تعقيب للمره الاولى دلوني لصح ياجماعة الخير ..
 

كتبت لكم قبل فتره عن مشكلتي
وفعلا مثل ماتوقع أغلب الاخوان والخوات هنا انه كان تدبير من اعمامي عشان
اترك ولدهم ، والمصيبه اللي أكبر من كذا انهم حطوا في راسه انها هي طلعة من
بيتها يعني تروح تطلبها ترجع لك المهر لانها تبغى الطلاق ، ونزوجك احسن منها
قبل يومين زوجي جاء لاهلي البيت كمره أخيره وكفرصه اخيره ايضا اذا في امكانيه
نرجع لبعض لانه فعلا يبغاني ، بشهد الله اني كنت ناويه ارجع معه البيت واصلح
كل شي بدون مااجيب طاري والدينه ، لكن اخوي الكبير تكلم مع زوجي وفهمه
السالفه كلها ، هو أنصدم ماقدر يستوعب كيف يسوون كذا من وراه !!
لكن بعدين فهم ليه هم كانوا مصرين عليه يأخذ اجازه ويسافر معهم يتمشى
خارج المملكه يعني كانوا يحاولون يبعدونه أكثر ويلهونه عني
الحين انا اللي مصدومه من هالناس كيف ياربي اعتبرتهم اهل امي وابوي
كيف كنت طول الوقت لو شفت ولدهم مال عنهم شوي رجعته لهم
وفي الاخير هذا جزء الطيب !؟ معقول وكل هذا لانهم عارفين انه رافض يطلقني
او يتزوج عليه !! كيف اتعامل معهم بعد مارجعت لبيتي ؟!
كيف راح اتقبلهم بعد ماعرفت انهم يخططون لخراب حياتي !!
كيف بتغير معهم ؟! والله العظيم اني مو حقت مكايده ولا مشاكل
بس زوجي يبغاني وانا ابغاه كيف احمي حياتي منهم ؟!




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]