ساعدوني،الله يسعدكم..
 

سلام عليكم
فيه موضوع شاغل بالي ومره محتاره فيه فَ ابي رايكم..

بعيداً عن مشاكل الحب والطلاق وغيره..

زوجِي موظف ووظيفته كل مِن يتمناها راتبه مو هينّ "عاليِ" ولله الحمد..
ناوي يفصل منها ويروح يشتغل مُحاسب فِ[العثيم،بنده] شغله مو عيب لكن راتبها قليل وقليل جداً،مو مستوعبه راتبنا 12 الف وبداية كل سنه 30 الف مكأفاه..بعد كم شهر حيصير 3 الاف 4الاف شلون!!!!

ع العموم هو يفكر يفصل لأنه بيكمل دراسته..ومن كم يوم كلمنِي في الموضوع يبِي رأيي وموافقتي،وانا خايفه والله خايفه..فِ ذا الوقت كل شيء صار غالي واحنا مو لحالنا ،عندِي طفلين وتعرفون الأطفال هالايام مو مثل اطفال أول الحين يبون ويبون ويبون عكس أول اي حاجه يقبلون فيها.. غير انّه متعودين على أي شيء يبغونه يجيهم بعد كم شهر راح يطلبون اشياء واجِد مانقدر ننفذها لهم غير أطفالنا اهله موجودين وأهله هو قايم فيهم لان والده متوفِي وعنده ثلاث خواتّ ووالدته،كل احتياجاتهم هو ينفذها لهم..لكن يقول مجبور يفصل عشان يكمل ويتوظف وظيفه أفضل براتب افضل..هو طموح وطموح جداً وعنده حلم يبي يوصل له،مابِي احرمه من الوصول لطموحه وبنفس الوقت مابِي ننضغط ونحتاج ومانلاقِي احد يساعدنا..


رايكم الله يخليكم ويسعدكم ❤❤.




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]