تعقيب للمره الاولى حياتي وزوجي والافكار السلبيه
 

هذا رابط مشكلتي الأساسية واشكركم على النصائح الله يجعلها بميزان حسناتكم ويسعدكم سعادة لا تنتهي ابدا ...
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


والله اني كتبت التعقيب من ألمي تعبت وبوضح اشياء وربي اني صادقه بكل حرف كتبته وان شالله محد يذوق حزني :(
انا قلت لكم ان زوجي خاني مكالمات ومادري قابل او لا مع انه كان يحاول يقابل وحده ولما سألته قال كذب انصب عليها وكلام.. اصلا منكر انه يكلم اساسا منكر انه يخون حتى لو دخلت الدليل جوات عينه ... بتكلم عن نفسي انا طموحه احب الدراسه والعمل مع اني عاطله بس اسعى.. وحبوبه وحنونه وعاطفيه اذوب بالكلام الحلو اتمناه تمني جامعيه ومالي خلق المشاكل احب الوناسه والصديقات واحب زوجي بجنون :( مع انه سبب تعاستي بس امر الله اقوى .. مو نكديه ابد لو قالي كلي (××) جلست اضحك وسلكت مع انه مايقول لاني قويه ومحترمه فمو تاركه مجال للسباب .. بس اوضح لكم اني بارده وعندي قدرة جمل على الصبر والتحمل ومو زعوله مهما سب او لعن او صارخ اقول لييييييه قلبي لا تعسسسب مرات يولع من برودي ومرات يهداء ...لانه عصبي مجنون عصبيه .. الحمدلله مهتمه بنفسي زي كل بنت مو جديد نظيفه بيتي نظيف واطفالي يلقون ومو شيء صعب ولا جديد بس طباخه فاشله هل ممكن الطبخ يكون سبب للخيانه لو هو السبب اقسم بالله لازوجه طباخه !! مريحته جدا في الامور الخاصه وامورنا تمام .. طيب ليش خاني بموت واعرف ليششش ؟والله كل مافكر اسوي له شيء حلو اقوله ليش واتراجع يجي بليس يزن مايستاهل بيرجع يخونك اصلا ممكن هو يخونك وش دراك !! زوجي مقتدر ماديا الحمدلله حالتنا فوق الممتازه ويقدر يفتح عشره بيوت وربي امنيتي يتزوج بالحلال مايهم بس نار الحرام تكويني وتحرق قلبي اخاف بعد على نفسي انجرف دايم اطالع حالي بالمرايه واقول والله اني حسوفه عليع لو غيره باس يديني ... واصلا الان مو عارفه هل تاب او لا اخر خيانه كانت قبل سنتين وعقب معد فتشت ريحت راسي.. بس تعامله يجبرني اشك !! طلعاته الكثيره مايقر في البيت بس يدور عذره يطلع هو يشيش ونفسيته لو ماهف هالبلوى تصير معفنه واظنه يلعب بلوت ويسهر بهالاستراحات وناسيني اجلس بين هالجدران لانه مايرضى يطلعني الا لاهلي:(ومايرضى لا راح الاستراخه يوديني لهم الا كان ويكند.. ولما يرجع ماصدق اشوفه وانط بحضنه واسولف وهو ماله خلقي:(يقولي لا تنامين لانه يبي ... وبس خلص فتح جواله ولا نام وربي على جواله او برا 24 ساعه مافي وقت لي الا للصراخ والتهزيء والانتقاد ولا يهمني انا واثقه من نفسي وهذا مجننه يبي يكسر ثقتي بس ماقدر والله ربي يشهد علي لساني مايطلع منه الا العسل سم وامر وابشر وروحي وحياتي بيبي وقلبي مانادي ب اسمه ابد ومحتويته عاطفيا بس مايبي ومايحب وربي بس يصارخ انا اخاف عليه يطق فيه عرق واذا رحت لاهلي وزعلت سوا المستحيل لارجع وبس رجعت رجعني للنكد بموت منه بيجيني جلطه وش طلبت منه طلبت يحب يعطف علي يونس وحدتي يضمني ينومني بحضنه يبوسني يشكرني نمت جنبه ست سنين مافي يوم فكر يلف علي يحضني دموعي تغرق وسادتي وهو يشخر !!!!وربي راضيه بالقليل بس مافيه فايده كيف ماتاكلني الافكار عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] كيف ماشك فيه بالله اللي مايأنس بزوجته اكيد يأنس بغيرها انا انسانه متفتحه احب له الوناسه والسفر ومخليته على راحته سافر طلع عادي انبسط له وهو معاي مو مقصر نسافر مرتين ثلاث سنويا بس مافي اسلوب مرات يغمى علي وربي قهر منه ومن تعامله* لو ينعفط قميصه لعن خيري ...ويقولي احبك اي حب هذا اللي ممكن يدخلني مصحه عقليه من الشك وسوء المعامله ورداءة الاسلوب على فكره سبق وضربني كذا مره بس تاب عقب تدخل اهلي .. وطلقني طلقه واحده وماحسبها الشيخ كانت بفضب اصلا هو دايم غضبان وش الجديد ... كلمت امي عنه وقالت بعطيك مهله ي تجلسين وتضبين طفلينك ي تعالي وبلاها حياة النكد وبنطلقك منه.. وانا محتاره حيل يااارب انت اعلم بحالي فرجها من عندك ياكريم وانا بمنتصف العشرينات وهو نهاية الثلاثينات بيننا 12 سنه ...




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]