التحكم وفرض الاوامر
 

السلام عليكم
بدخل في الموضوع مباشرة
بعد ماشفت مشكلة الاخ اللي بيخطب وخايف من السناب شات حبيت اتكلم واتمنى تعطوني ارائكم بمصداقية
هل يحق للزوج منع زوجته من الجوال؟ ( للتأديب ع حد قوله وليس لسلوكها او شك في اخلاقها )
اتمنى تجاوبوني بصراحة لأني رح ارسله كلامكم ع هذا السؤال تحديدا لعل ينفع ويسد
اما مشكلتي فهي طويلة ومتشعبة ومابقدر اكتبها كاملة لكن اللي مضايقني زود ع المشاكل اللي عندنا منع وحرمان بطريقة جدا مستفزة ومايشوف فيها اي شي حتى مجرد الكلام فيها مايرضى كان ياخذه بالايام واترجاه وابكي ويرجعه واحيانا اسبوع اسبوعين شهر لكن اخر مرة طنشت ولاترجيته قلت بيرجعه من نفسه اذا شافني مو مهتمة لكن ابد ولا فكر حتى (صارلي ٤ شهور ) طبعا جلست فترة تقريبا بدون جوال ابدا بعد نقاش انه لو صارلي شي كيف اوصلك خصوصا اني حامل ومالي غيره في البلد ( اهلي في دولة اخرى ) جابلي جوال حتى الخادمات ماصاروا يستخدموه بس عشان اقدر اتصل عليه لو احتجت شي ( نوكيا قديم جدا ) انهرت وماوضحتله في البداية ومع هذا زعل من ردة فعلي اني مفروض اقوله شكرا وفي العيد كنت جدددا محرجة احد يلاحظ من بيت عمومته لأن اول يوم يجتمعون فيه في بيت الجد وكنت مكسورة في الداخل ودي اصور نفسي وارسل لاهلي ودي اشوف العيد عندهم حتى لو بالصور وصديقاتي وبشكل عام اطقطق ع الجوال لأن اغلب الجمعات يتبادلون نكت وصور ويتكلمون عن السناب والواتس وانا ما اعرف ايش صاير بالدنيا احس بالنقص . يمكن لو عندي الجوال وماني متابعة الاحداث اهون علي ومابحس بالشعور هذا . المهم نفسيتي دمار طبعا يقولي احمدي ربك عندك لابتوب تجلسين عليه واذا اعترضت يهددني بياخذه واخذه بس رجعه وانا صرت ما احس بالامان معه مو بس عشان الجوال احس بهالطريقة بالظلم بدون سبب منطقي وهذي افعاله .ودي نتحاور نتكلم عادي راضية بس يكون اجواء زوج وزوجته مو بهالطريقة طبعا مااااا اطلع لأي احد اي احد معنى الكلمة بس اطلع معاه وارجع معاه واذا قلتله يقول مامنعتك روحي اقوله اروح لمين وانا في البيت يقول مو مشكلتي وبنات عمه رافض ازورهم بحجة انهم منافقين ويظهرون عكس اللي في قلوبهم ماعنده اخوات اما امه صعب التفاهم معها كلمت ابوه وانزعج من التصرفات ونصحني بالصبر وحاول يتكلم مع زوجي بس رفض زوجي وقاطع ابوه من يومها مو بس عشان موضوعي مثل ماقلتلكم فيه مشاكل كثيييرة وبعضها مالها دخل فيني او فيه مشاكل بين الاهالي ايضا اثرت زيادة
طبعا تكلمت بس عن هالاشياء لأن طفح فيني الكيل وما اقدر استحمل اكثر احس اني في حبس انفرادي . اسفة طولت عليكم اعطوني طرق للتفاهم معاه ان كان معاي حق وان كان الحق معاه نبهوني جزاكم الله خير.
نقطة اخيرة نسيت اقولها ان صديقاتي واهلي كلهم يحتاج اكلهم باتصال دولي وهذا مكلف وقلتله مرة ع الاقل اشحنلي الجوال دامك مانعني من البرامج بالنت قال انا علي اعطيك مصروفك وبس وانتي تبغين تكلمين مامنعتك اشحني وكلمي . لكن مايكفي والله يصرف مرة وجربت مرة اكلم واتسلى واضيع وقتي بس راح المصروف في الشحن ماتهنيت . هم كثير معزولين عن الناس والله في العيد محد يزورنا ومانزور احد ( اعمامه يزورون بعض بس احنا نكتفي بالسلام عليهم في بيت الجد) اول يوم نروح بيت الجد وبس طبعا نطلع نتمشى انا وياه بس اقصد من ناحية العلاقات جدا قليلة اقرب للمعدومة بعكس شخصيتي قبل الزواج عندي صديقات واهلي واقاربي كثير متحابين وبيت اهلي بشكل عام مايفضى ماشالله احس هالتحول سببلي ازمة .




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]