زواجي يحتضر
 

السلام عليكم

مالي بالمقدمات لكن اتمنى الاقي حل لمشكلتي

متزوجه من 10 سنوات

عمري 32 عمره 42

عندي طفله 6 تقريبا وطفل 2 تقريبا

زوجي يشتغل دوامه طويل يعتبر خصوصا بوجود الاطفال واحتياجهم ومن يرجع ماله خلق شي يبغى بس يقابل الجوال وبس دايما اقول له مليت من دوامك والحين مأثر على بنتي دايما تسال ابوي ليش في العمل ومانشوفه
ايام الاسبوع بنتي تنام قبل جيته تصادفه الصباح 5 دقايق بس الويكند المفروض الوقت جزء للعيال بس يضيع مع زحمة مواجيب الاهل

مشكلتي وياه بما ان احس كله ماله خلق صرت استأذنه متى نقدر نتكلم نتفاهم عن مقاضي مثلا او طلعة سوق تشري للاطفال صار هالشي حتى في الطلعات التمشيه مؤخرا يخيرني نطلع العيال مو معنا لان ولدي بسم الله عليه حكي وهالشي طبيعي خصوصا انه توه يمشي من كم شهر فصاير ما يبغى يلتزم بعيال وقت نطلع او حابين نسافر

يستخسر يطلع اجازة ( السنويه) وانا اترقبها بفارغ الصبر بحجة العمل زحمه ومايمدي اطلع

العلاقه الحميميه بينا هالفتره شبه معدومه توصل مره في الشهر او شهر ونص مره ووقتها خمس دقايق
مريت على سنوات هو ينتظر مني ابادر

حتى وقت العلاقه احس بفتور لان احس مافي مشاعر

ناهيك عن جفاف العاطفه انعدام الحب الحوار بينا ميت والنظافه الشخصيه في الحضيض اتعب وانا اقول في الحضيض

مقصر في واجباته الاسريه

مريت بحالة اكتئاب فقدت نص وزني بسبب هالاهمال واللامبالاه لولا قربي لله واللجوء له كنت بتعالج نفسي وتعافيت بالصلاة والاستغفار

يمكن تسالون اني كيفني معاه .... انا مرا حالي حال غيرها البس اكشخ مهتمه بالنظافه الشخصيه توصل للهوس


فكرت انفصل بمجرد افكر في عيال تفكيري يتغير كليا وربي احس وجودي مو مهم

ابغى حل




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]