عودني عليه واتغير ..
 

السلام عليكم ورحمة الله وبركاته ..

ممكن مشكلتي البعض يشوفها تافهه بس لو ماهيا جارحتني ماكنت كتبتها ..

بداية انا متزوجه من سنه وشهرين وساكنه في شقه فوق اهله بمنطقه بعيد عن اهلي كان هوا ببداية زواجنا يحبني اكثر من حبي له ومن اول ماملكنا وهوا يتصل فيني كل يوم ومستحيل يعدي يوم مايكلمني فيه حتى لو دقايق بسيطه مهتم في ادق تفاصيلي واستمر الحال بعد الزواج ل6 شهور تقريبا رغم انو كانت تحصل مشاكل كثير بيننا لأسباب تافهه خلال هذي الفتره ، ولاكن الحمدلله فهمنا بعض اكثر وقلت مشاكلنا بس زوجي بدا يتغير بعد مرور سنه صار مايتلهف لسماع صوتي اذا سافرت لأهلي او اذا هوا سافر مثل ماعودني ، وحاليا انا مسافره لأهلي وصار يكتفي انه يتطمن علي بالمسجات كـ تأدية واجب لااقل ولا اكثر ، رغم انه يكون فاضي اغلب يومه ويقضيه مع اهله او يتابع التلفزيون او يتفرج باليوتيوب ، واحنا اللي قبل نتكلم كل يوم صوت او فيديو ويكلمني بعز انشغاله (عودني على شي وتغير وصرت احس بفراغ) حاولت اتجاهل واصير نفسه بس ماقدرت لأن زاد حبي له مع الأيام وصارحته انو ليش ماعاد يعاملني زي قبل صدمني بقوله انو المشكلات اللي كانت تحصل بيننا هيا السبب قلتله احنا تناقشنا فيها كثير وقدرنا نتجاوزها ليش وقتها تقولي نسيت وتخلينا نفتح صفحه جديده وانت مو قادر ، قال والله نسيت كل شي وصرف الموضوع وبين انو كل شي انتهى ومازال يحبني نفس قبل ماتغير شي ، ماحبيت اثقل عليه بالعتاب وقفلت الموضوع وحاليا ماعاد ابغى ارجع اعاتبه خلاص احس انو ناشبتله انا بس ابي اصير بارده بمشاعري اتجاهه😔 كيف اقتل مشاعر اشتياقي له واعيش يومي بدون تفكير فيه زي ماهوا عايش يومه كيف انشغل عنه وهوا رافض اني اتوضف ، اعطوني نصايح تغيره او انا اصير نفس وضعه

وشكراً لكم مقدما .




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]