وش اسوي شوروا علي
 

السلام عليكم ..
بقول لكم شي..وابي اعرف الشي الصحيح..
انا وحده منفصله..عمري ٣٨ وبدخل ٣٩ بعد ٣ شهور ..ياليت الاعمار بالميلادي مو احسن..المهم..انا ماانخطب بعد الدعاء اكيد ماهي الطريقه للزواج...وكم المفروض يكون عمر اللي ارتبط فيه مع العلم ماعندي اطفال ..وابي زوج حنون يحبني بإخلاص ويبقى مع ولايفرقنا الا الموت لأني عاطفيه واحس اذا دخل حياتي احد اتعب مثل نقل زميله وكذا..احس اني مو ناضجه ولا عندي خبرات مااعرف لمكر الناس..مثلا بعض الرجال يكون نيته من التعدد تجريب او تأديب للزوجه او مسيار مبطن...قولوا لي شوروا علي..وش اسوي ..لا أحد رجاء يرد رد قاسي ..ترى انا متأثره من انفصالي واحس زي الخنجر مغروس بصدري...باقي اقول لكم ان طليقي كان عن طريق موقع زواج واستمر شهور فقط..وياليتني مت والله العظيم ولا سجلت بالموقع ياليتني مت او انكسرت يدي...والحمدلله على قضائه




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]