تفسير حلم وضوء
 

السلام عليكم ورحمة الله وبركاته

حلمت اني كنت مع صديقتي وكنا رايحين المسجد نصلي قلت انا بتوضئ وبعدها بصلي ، صديقتي راحت تصلي وانا دخلت دورة المياه وكانت زحمة فيها بنات بعدها دخلت وتوضيت مكان بنت وكانت ناسيه نقابها وملفعها وفتحت الماي وتبللوا اغراضها ، وانا اتوضأ كنت لابسه علي راسي ملفعي ومسحت فوقه بالماي وقدماي كنت لابسه دلاغ ومسحت فوقه بالماي بعدها انتهيت وجتني صديقتي وعرفت بأن الصلاه انتهت ، بعدها دخلت غرفه وكانوا فيها بنات اعرفهم قالت وحده منهم مبرروك حق البنت الثانيه وكانت فرحانه وانا فرحت معاها ، وعرفت ان تقول مبروك عشان الحمل ، بعدها لبست عباتي وملفعي وشفت شكلي بالمنظره وكان جميل وكان شكل عباتي حلو وشعري لونه اشقر ، طلعت من الباب وكنت ادور حذائي وكان في منها مجموعه بس مالقيته وقلت عادي اطلع بدونه .

موظفه ، ومنفصله