ملكت وتندمت فأيش أسوي؟
 

السلام عليكم ورحمة الله وبركاته


تقدم لي شاب أجبني (غير سعودي) والظاهر عليه أنه صاحب خلق ودين، استخرت كثير ودعيت الله كثير أن يكتب الخير لي لأني كنت محتارة أوافق أو لا، ووافقت لأن عمري في بداية الثلاثينات وهو مايعيبه شيء (غير أنه ماهو سعودي) وأبوي مرتاح له كثير فوافقت وكنت مستمرة على الاستخارة والدعاء طوال فترة المعاملة اللي استمرت سنتين لبعض الظروف

وجات الموافقة بعد سنتين وعقدنا قبل ٦ شهور من الحين، وقابلته مرتين كل مرة جلست معه تقريبا نص ساعة والباقي نتواصل في الجوال أغلبة رسائل والمكالمات معدودة وكلامنا للآن رسمي من سؤال عن الحال والأحوال فقط، يعني في كل أسبوع مرة أو مرتين وأوقات كل أسبوعين

الرجال مافيه شيء بالعكس خلوق ومؤدب ومحترم بس مدري وش فيني أحس ماني مرتاحة وأحس يوم أرسل له بس مجاملة وتطييب لخاطره

فكرت أكلمه وأقول له بس قلت مايصلح هو تعب في المعاملة كثير، سنتين يجري وراها الحين أكسر بنفسه صعبة

وأرجع أقول لنفسي أحسن الحين أتكلم ولا بعد الزواج

مدري أحس أني ملخبطة ومشتتة وبس الحين أدعي إن لي فيه خير إن يتمم هذا الزواج أو يتفركش



اش تنصحوني به الآن احتاج نصايحكم وأرائكم
والله يعطيكم العافية




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]