ابي افهم تصرفات ام زوجي ارجوكم احد يفهمني
 

السلام عليكم ورحمه الله وبركاته
كل عام وانتم بخير
انا متزوجه وعندي اطفال وساكنين شقه فوق اهله
مشكلتي هي ام زوجي هي عمرها بالخمسين مو كبيره مره وعندها عيال غير زوجي والكبير من سنه مطلق وعنده اطفال اربعه وخذتهم هي عندها وبنات مو متزوجين بالجامعه المهم من بدايه الزواج وانا ملاحظه وجهها يتغير اذا زوجي جاب شي او مدح اكله اسويها او اي شي حنا حريم نفهم بس زوجي مايلاحظ اغلب الرجال مايلاحظون وش بين الحريم المهم مع السنين صارت تقوله ليه ماتتزوج على مرتك شف فلان اعرس وش فلان دق خشم مرته وشف فلان مرته ماتطلع ولا تجي وشف وشف وللعلم انا بيتوتيه مااقدر اروح وين اودي اطفالي بالعزايم والجمعات ولا اطلع كثير عموما عكسها هي تطلع بشكل يومي ومخليه عيالها كلهم وتطلب من زوجي يودي ويجيب انا مايهمني لان امه واهله قبلي وفوق هذا ماابي اطلع يعني عادي ماعطلتني بروحاتها بس المشكله بسياره مع زوجي من ضمن السوالف الولد يودي امه ويترك زوجته الولد يعطي امه مصروف هي ربته مو زوجته الولد يسمع كلام امه وشف فلان سفر امه وخواته للدوله الفلانيه ومرته وداها لاهلها والمشكله زوجي غير مقتدر للسفر راتبه قليل عكس ولدها الكبير المطلق راتبه عالي ماشاءالله وليه ماتزوج المطلق !!؟؟؟ ليه بتخرب بيتي وليه تكرهه زوجي فيني .. ويشهد علي الله وهذا انتم ماتعرفوني ولا اعرفكم لانزلت لهم اتكلم بسوالف عامه واضحك معهم وماعمري جيت يدي فاضيه لازم حلاي وقهوه او معجنات واحبهم ولا صار بيني وبينهم اي مشكله او شي ابدددد ابدددد.... زوجي اذا قالي الكلام الي تقوله له اسكت انا مااعلق بس قطعت زياراتي لهم وحقدت عليها ولا صرت احتك فيهم ابد للعلم هم من قبيله ثانيه يعني شافوني بزواج وبعدها سالو وبعدها جو خطبو وتم الموضوع بعد السوال من الطرفين .. المهم امه بدت تسال ليه بس عيالك ينزلون وين مرتك وزوجي اذا سالني اقول مصدعه ولا عندي شغل او اي شي لين طولت المده مانزلت ابد ولا مكالمه ولا شي قلبت هي الموجه ضدي بدت تقوله الزوجه الي تكره اهل زوجها هذي مفروض الرجال يطلقها الزوجه الي ماتجي اهل زوجها وش ينبغى فيها هذي تطلق وهكذا انا ويشهد علي الله قايمه بواجبات زوجي وبيتي واطفالي وزوجي مبسوط معاي ولا عمره اشتكى او تذمر من شي بس هي وراه بالكلام وانا بكبري ماادري ليه تسوي كذا !!! اللحين انا ومشكلتي ماابي اقول لزوجي عشان امك تقول كذا وكذا وبنفس الوقت ماابي انزل واجامل انا وحده يبين بوجهي على طول انه فيني شي مااقدر اخفيه واجامل واسولف معها وهي من وراي تدور خراب بيتي وقلت خلاص فيه اذيه انسحب وهي ماخلتني بالحالتين وانا اجيهم او مااجيهم ! زوجي احيانا يجي يقول والله امي صادقه تقول كذا وكذا !!! وعند اي مشكله بسيطه زي كل البيوت قال صادقه امي الحرمه يبيلها دق خشوم ههههه يحسبني بجلس عنده وعند امه يدقون خشمي وليه بنتها المتزوجه مايدقون خشمها اهل زوجها !!!! يعني انا ماعندي اهل انا ماعندي لسان انا اذا احد غلط علي اعرف ارد عليه بس المشكله كلامها لولدها مو لي هي مو وحيده بيتها مليااااان فوق خمس بنات عندها وعيال بعد يعني انا مااثرت اذا جيت او ماجيت المهم احتد الكلام بيني وبين زوجي وقال زودتيها فيه مشكله ماتنزلين علميني قلت ايه فيه مشكله قال متى وليه امي ماقالت لي ماعرفت اشرح له لان ماصار شي اساسا وبنفس الوقت مابي اقول لزوجي لانه مادري وش بيصير من وراي انا ابي هي وجهه لوجهه ابي اسالها مباشر ووجود زوجي بسالها قلت لك شي اذيتك وليه بتخربين بيتي وكذا والحين كل كم يوم زوجي يسال وش المشكله قولي لي ماقول لاحد عن ايش وضحي لي قربي لي ووووو قلت مااقدر اقول المصيبه زوجي راح لامه قال انتم مسوين مشكله لها وهي زعلانه عليكم قلت الحمدلله ماقلت له المشكله الاساسيه جت امه قالت تتبلى ع امك وهذي ماتستحي ومتى تهاوشنا ومتى ومتى !!!! انا وش اسوي انزلها تحت وجهه لوجهه لان زوجي مستحيل اقوله ماراح يقولها بطريقه مناسبه ولا راح يوصل الي انا ابيه وابي اعرفه .. بيتناقشون هو وامه ولا ادري وش بيصير وقتها وانا ابي اقتلع السالفه من جذورها على ماقالو وانا صاحبه المشكله ابي اعرف السبب ليه تقول عني كذا والاهم ابي زوجي يشوف كيف وجههاا وهي منحرجه وماعندها جواب لانها اذتني وزوجي بدى يسمع لكلامها كثر الدق يفك الحديد عشان يعرف لان احيانا يجي يقولي انتي حيه من تحت تبن ورحت اصيييح انقهررررت طبعا هي قالتله كذا تقول ماعندها شي بس بتقطعك عن اهلك راحت زعلت عشان تزعل معها وتقطعنا تراها حيه من تحت تبن ...!!!!!! وانا ماتكلمت عنها ولا اذيتها ولا شي واساسا هي مو من جماعتنا عشان يعرفونها واسولف عنها وزوجي مالي دخل فيه اذا شي يخص اهله مااتدخل ابددددد بس توصل لعندي المشاكل هنا لا وحتى لو نقلنا بيروح لها وفيه جوالات بتكلمه .. ارجوكم ابي حل الا زوجي لاحد يقول علميه لان اعرفه مايصلح اعلمه ماستفيد شي ولا تنتهي المشاكل....
ياادراه نزلو موضوعي ارجوكم احتاج حلوووول ضروري ..




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]