تعبانة نفسيًا وعلى وشك زواج
 

السلام عليكم
اني حنيت للشخص الي احبه
حنيت ورب البيت💔
انا وحده مختلفة عن توجه اهلي تمامًا وهالشيء مسبب لي مشكلة
احب الاستقلالية بشكل قاتل، واؤمن بحرية الفرد في اختيار الاشياء الي تستهويه
من باب احترام والدي ووالدتي كنت محتشمه بلبسي وبكلامي وحتى بالاشياء الي احبها
تركتها كله عشان اكون النموذج الي هم يبونه، كل الي كنت ابيه زوج بنفس تفكيري، متحرر يؤمن ان المراه لها حق الاستقلال ومو بالضرورة نكون عايشين عند بعض، انسان يترك لي حق الاختيار في حجابي وهواياتي
تعرفت على هالشخص صدفة وكان مواكب تمامًا لتفكيري وصارحت والدتي لكن لما عرفت تاريخ عائلته على طول سكرت الباب بوجهي لان تقاليدنا فرق السما عن الارض هم ناس منفتحين ماعندهم لاحجاب وتاريخ عائلتهم فني بجدارة وراعين تجارة وشغل وعايشين برا حدودنا الخليجية
من كلام امي لو اذبح نفسي لايمكن نناسب عائلة مثل كذا خاصة ان عائلتي مشهود لها بالدين والعلم

دخلت في مرحلة اكتئاب شديد وزوجوني اهلي واحد كوبي بيست منهم
حاولت اتقبل شهر شهرين 6 اشهر بس بعدها ماقدرت
تعبت دايم يتكلم ان المرأه مكانها البيت المرأة تطبخ المرأه مدري ايش
قلبي مخنوق والله مخنوق وزواجي مابقى عليه الا10 ايام
احسني طالعة من سجن وداخله بسجن ثاني، صرت اخاف اقوله بس ابي عود او الله يخليك خليني اجرب امارس هوايات جديدة، حتى حجابي من الحين يتكلم عن انه بيجبر بناتنا عليه
التخصصات الصحية مرفوضة حتى لهم! شلون يتكلم مثل كذا وجيلنا مختلف شلون
احسني متقززه من تفكيره ولا عندي نية اغير احد او احد يغيرني
انسان مثل كذا يرمي وغباته ويسند السبب للمجتمع، مابي اكون جزء من القطيع مابي
عندي خوف من اني اظهر رغباتي له لان لو اهلي دروا والله مايخلوني عايشه يوم زيادة




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]