مكسور خاطري
 

السلام عليكم و رحمة الله و بركاته
اكتب لكم هالموضوع و انا في حالة انهيار شديد و احس فعلا فعلا ان ما في احد بالدنيا ممكن يكون سند لي و احس بوحده شديده و ضعف شديد ، عشت مع ام قاسية جدا جدا علي الله العالم وش السبب بس كل شيء فيني يستفزها و و دايم تحط اللوم علي في اي مشكلة تصير مثلا احد من اخواني تصرف تصرف سيء تقوم تحط البلاء علي و تحاسبني انا ! بحجة اني القدوة و انا اللي تسببت في تحولهم .. الخ ، اكيد الاغلب راح يعنقد اني عاقه و اجحد هالشيء بس اقسم بايات الله اني مطيعه لها جدا جدا جدا و احاول اكسب رضاها بكل الطرق لكن سبحان الله القلب و ما يهوى عاد ! المهم تزوجت و للاسف الشديد زوجي كان خذلان كبير جدا لي ادمان و بارتيات و اشياء ما تنقال في البدايه من الصدمة كنت احيانا اشكي لامي لاني فعلا ما اعرف اتصرف ! لكن اكتشفت بعد وقت انها كانت تتشمت فيني من وراي ! تخيلوا ! ام تتشمت في بنتها لاني ربي ابتلها بزواج صعب ! لو كانت تقوله في وجهي كنت بعذرها شوي بقول معصبه علي او تبي تقهرني و شيء ظاهري بس و مستحيل انها تقصدها ، بس من وراي معناته فعلا تشوفني استاهل اللي يصير ! لما عرفت جلست ابكي بالساعات من الصدمة و في نفس الوقت القهر بس ودي اعرف ليش ممكن ام تكره بنتها لهالدرجة ؟ الحين انا مين لي ؟ اذا حتى اهلي يعتبرون اعداء و يتشمتون ؟ مكسور قلبي و لا اتوقع في شيء بالحياة ممكن يجبره تكفون تكفون ادعوا لي ):




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]