خايفه كثييير من الطلاق 😢💔
 

السلام عليكم
انا عمري 28 و زوجي 35 عندي ولد عمره 3 سنوات وحامل بالولد الثاني ، زوجي اول سنتين كان كويس بعدها صار يضربني كل ماعصب كلمت اهله وعلمت اهلي رحت نمت عندهم 3 شهور وقال لأبوي النفس طابت خلاص بطلقها ولاطلقني وعدني مايمد يده وخليته يدعي على نفسه انها تنشل إذا ضربني الحين حامل بالشهر السابع وخلال فترة حملي ضربني 3 مرات و آخر مره عطاني بوكس على ظهري وضربني على عيوني الثنتين واحس كأن اصبع يدي انكسر يعورني إذا حركته كل مره اقول فشيله اعلم الدكتوره بس إذا رحت موعدي الجاي بخليها تكتب تقرير إحتياط عشان لو تطلقت مايعطوه الاولاد يعرفو انه مجنون ضرب وحده حامل ولاحد يبرر له كله يضربني على اشياء تافهه مره عشان قلت له بطلب من مطعم وغيرها انا ماخنته ولاسويت معصيه عشان انضرب بهالشكل تخيلو هو بالمقابل كشفته يزني ولما واجهته ضربني بعد وانا مالي دخل عشاني فتشت جواله احس بنجن الطلاق صعب علي والاستمرار معه صعب بعد وانا جالسه معاه لأنه يساعدني بتربية ولدي مرات اكون تعبانه وانام وهو يجلس معاه يأكله يوديه الحمام يطلعنا يمشينا يسفرنا مايقصر بالمقاضي اي شي اقوله يجيبه يوصلني لدوامي كل يوم لمدة 3 سنوات" انا موظفه" وجاب لي شغاله تساعدني بشغل البيت ، لما علمت امي وابوي انه ينام مع بنات قالت امي لاتنتحري وتروحي جهنم خلاص خذي شقه وعيشي لحالك انتي و ولدك احنا مانتحمل ازعاج ولدك وابوي نفس كلامها لأن ولدي مزعج كأن فيه فرط حركه فيمكن آخذ سكن بمكان دوامي واصير اداوم مشي قاعده افكر اتطلق بعد مااخلص نفاس بعد 3 شهور قبل شوي تهاوش معاي عشان قلت له بطلع مع صديقتي وانا والله ماطلع معاهم الا بالسنه مرتين او ثلاث وقلت له اذا بتعصب بكنسل الطلعه قال انتي تبين تنضربي والضرب في اشكالك حلال والله حسيت اني كيس ملاكمه مو زوجه حتى الحيوانات ماينضربو ماله حل الا الطلاق والله يعيني اربي اولادي لحالي وهو يصير مرتاح ولاهمه وهو السبب في هذي المآساه ، خايفه كثير ماعندي الجرأه اعيش لحالي انا محتاجه لزوج و أب يساعدني بس مو كل شوي يضربني ويخوني لا ومايعتذر بعد يرجع يكلمني كأن شي ماصار ويقول ليش زعلانه وماده بوزك




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]