ليه مايتقدم لي خطاب؟
 

السلام عليكم
انا وحده عمري 24 سنة

من ام واب جيدين
وامي اجتماعية من الدرجة الاولى وعلى قدر عالي من الخُلق والجمال
من صغرها كان يجيها خطاب كثير وانا اقصد اكثر من 60 شخص تبارك الرحمن
ومحبوبة جدًا الى اليوم وامراءة عظيمة

ووالدي يشغل منصب قيادي عالي ومعروف


عندها بنتين أنا واختي
وانا الكبيرة لكن على عمري هذا ماجاني خطاب الا 2 اصلًا وكلهم اقل من عاديين
واحد في السلك العسكرية والثاني معلم


انا وحده انطوائية يعني ما اطلع للمناسبات الا فيما ندر واذا حضرت اكون منصته غالب الوقت
ولا عندي الا صديقة وحده ولا لي علاقة لا في بنات عمات او خالات

اختي اصغر مني ب3 سنوات
واجتماعية من الدرجة الاولى نفس امي وتطلع حتى للمناسبات الي تخص امي وبرضو محبوبة
وكثير يجونها خطاب كثييير حتى يكاد عددهم يوصل ال100

وكلهم من رجال اكفاء حقيقة
انا ما اعرف هل المشكلة فيني؟ شخصيتي
شكلي؟ وش مشكلتي بالضبط💔 قلبي مكسور من هالشيء كثير
حتى امي تقولي لك وجهه تتشرطين!

اختي تقول لانك انطوائية محد يعرفك بس مو مبرر
امي كانت ساكنة بقرية ومع ذلك كان يجيها كثير

كمية الرجال مو معيار بس برضو كلنا نعرف ان الشيء الحلو الناس تتعنى له
والشيء الي مو ذاك الزود محد يجيه
ودي اعرف وش الي فيني وليه يصير معي كذا




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]