قبل لا تهجموا ارجوكم تفكروا مليار مره قبل الرد لاني ما اعارض شرع ربي ولا اسأت للدين
انا بنت متزوجه من ثلاث سنوات عمري 25 وزوجي 29، شخصية زوجي هادئ وحنون وطيب بغض النظر عن بعض السلبيات البسيطه وانا شخصيتي ما اقدر امدح نفسي لكن ما بكذب انا متملكه والثقة عندي هي اساس كل علاقاتي ان خنت الثقة تنكسر العلاقة

زوجي تزوج علي وحده لا دريت عنها ولا شفتها الفترة الاخيرة كان ما يرجع البيت وعذره الشغل الى ان واجهته لان الموضوع تعبني وقال انه متزوج مسيار بغض النظر عن كلام الشيوخ وحتى عن التعدد انا كانسانه ما اقبل بذي الخيانه طبعا بتقنعوا نفسكم انه زواج شرعي وهو حاله حال زواج المتعه وكلنا ندري انه حرام مهما طلعتوا فتوة وجبتوا احاديث محرفه حرام وسواء عدد او مسيار تعرفوا كيف انكسرت الثقة؟ تعرفوا كيف انا انقهرت؟ ما بقول انا مو مقصره لانه غير مبرر لخيانته يقدر يصارحني لكن يتزوج؟ وبالخش والدس؟ معليش كل شي الا انه احد يخوني او يهين كرامتي

مدري شلون اتصرف تجيني افكار كثير انا موظفة واقدر اخلعه وبنفس الوقت اخاف على ولدي من التشتت وما اقدر اتقبل الحياة بنصف رجل افهموني انا ما اقدر اتقزز مجرد التفكير انه يخلص من وحده الليل ويجي لي ليلة ثانية يخليني استفرغ لدرجه اني ما اقدر اطالع بوجهه وما اقدر اشوف حل وسط

حتى لو بقيت معه احتمال اخذ شقه وما بقدر اعطيه حقه الشرعي نفسيا ما اقدر الله المستعان