فضفضه وابي حل
 

السلام عليكم

انا متزوجه عمري 26 عندي 5 خوات و3 اخوان
وانا اخرهم الاخيره كنت قبل ما اتزوج عند امي
وقبل مرضها ب 4 سنين انخطبت
وامي اقنعتن اني اتزوج ولكن بحكم الظروف ومرضت امي بعدها تأجل زواجنا
دام 4 سنين بعدها تملكت وتزوجت ولله الحمد
لكن انا صرت ماني بنفس الديره رحت لديره ثانيه بعيده عن امي
وخواتي قريبات عند امي لكن الزياره مامن زياره
اقسم بالله انه ينعصر قلبي واني بنفس الوقت على اني سعيده في زواجي
الا اني ندمانه تركت امي
اخواني نفس الحكايه كلن في شقه ولا واحد مستقبل امي في بيته
امي في بيت ايجار مو ملك

الحين انا جايه عند امي صار لي شهر وبيجيني زوجي ياخذني
بس القهر لو رحت محد بيجلس عند امي
الا زياره ويمشون بنفس اليوم
هي عندها شغاله ايجار بس ماتنفع الشغاله
امي تبي احد يونسها يسولف معها
خواتي كل عذرهن يقلن المدرسه قربت وبندرس عيالنا عن بعد ولا نقدر
نجي عند امنا
وقلت لهن مالكن عذر هو عن بعد يعني كلها جوال ويتنقل والغرف فيه غرف فاضيه
عند امي بس لا حياة لمن تنادي رفضن وقالن حنا مانرتاح الا ببيوتنا
الا بوقت الجمعه والسبت الاجازه نجي
اقترحت عليهن وقلت كل يوم على وحده ورفضن
المشكله انا ماني في الديره وكل بعد شهر اجي اجلس عند امي كم يوم وارجع
مابيدي حيله لو دوام زوجي في نفس ديرة اهلي كان زرتها كل يوم
والله اني متضايقه وينكتم صدري معقوله في ناس تفضل عيالها على امها
بالنهايه العيال ماهم نافعين بشي والدنيا دواره
دعواتكم لامي حبيبة قلبي وعطوني حل




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]