زوجــــي منقلب حاله
 

السلام عليكم

منابعة ممتازة لقسم مشكلتي و اثق بعد الله في اراء بعضكم


عمري 32 و زوجي 35
عندنا اطفال 3 و لي ثلاث سنوات اخذ موانع
و متزوجين من 10 سنوات

زوجي طيب و واضح و جريء و محبوب عند الجميع سواء اهل او اصدقا او جيران ار في شغله
و حياتنا الحمدلله مستقرة من قبل
و الى الآن المشاكل تمر و نتجاوزها بعون من الله
انا الحمدلله متعلمة و مرتبة و اهتم بنظافتي وانوثتي و اعتبر نفسي ذكية فطينه
احب ادلع زوجي واحب اعطيه حقوقه
و ماامانع مين يبدأ هو او انا
المهم اننا نكون قراب و نستمتع ببعضنا و بما انعم الله به علينا
ولكن من 5 شهور او اكثر ب شوي الاحظ جفاف زوجي
و بعده عني و حتى عن اطفاله
انشغاله بالجوال و باللابتوب و ماعاد يحب انه نحكي مع بعضنا ولا يهمه
لو قعدنا يوم كامل كل واحد على جواله
اول مايقرب منه احد عيالنا يبي يلعب صوته يعلى عليه
اقول له معليش خوفت الولد طول يومك بعيد و اول مايقرب منك تتكهرب ؟؟؟؟
اطفالنادايماً مع وقت رجعته من الشغل اخليهم يهدأو عشان بيكون تعبان و والله تعودوا حتى على نومة الظهر
لانه يحب الهدوء ذاك الوقت ف خلاص صارت عادتهم يناموا بعد الغدا و بالتالي انا و ابوهم نعرف نقضي وقت سوا و اريحه باللي يبغى
المهم لما اشوفه يلعب بجواله لا شغل و لا مشغله احاول احكي معه بأي موضوع
اخبار و معلومات و الا عن اطفالنا او مستقبلنا و وين نسافر
لاني اعرفه كان يحب هالمواضيع و يستمتع انه يفتحها ونتناقش فيها و مااااايتحمس
يقهرني !
اوقات اكون سألته خلال كلامي
استنى جواب وهو ساكت
اقول له اسألك انا !
يقول ماسمعت
او ماانتبهت
انقهر و اسكت
و اوقات انقهر و اقول له وش فيك
داخل في حالة صمت و جفاف جاك شي مني ؟ او صاير معك شي كلمني و شاركني !
يقول لا والله مافيه
ننام مايحاول يلمسني و لما المسه احس كأنه جدار مايتفاعل
اوقات ابي ادلعه زي ماكان يحب عادة ً او اتدلع عليه عشان يدلعني
و أبدأ يقول لي لا مالي نفس
لا تعالي نامي
و يشدني عشان اوقف و اتركه




حاولت اتحسس و اعرف لو عنده مشكله في الشغل او مع اهله
مافيه بالشغل بالعكس فترة كويسه هالفترة عليه
و اهله نزورهم كل اسبوعين و الاحظهم معهم طبيعي جداً و هم كذلك


شكيت بنفسي بااوقات بس لا متأكده والله من جسمي و وضعه
و نظافتي و اهتمامي كما ذكرت لكن وش السبب ؟؟؟
مو متضايق اصلاً بس بعييد و كل شي بيننا باااهت
و مايبغى اي تواصل بيننا
لا سوالف و لا اي تقارب
احترت فيه
احاول اقضي وقت مع خواتي
و اطلع طلعات خفيفه عشان يشتاق
ارجع الاقيه منقلب زياده و مسوي تعبان
او فيه صداع


لا تحرموني من دعواتكم
سخر الله لكم كل خير

احتاج مشورتكم و رايكم




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]