تعبت من وضعي معه تعبت
 

السلام عليكم

انا وحده مليانه حياة وحب وعاطفة واحب اني اغرق الشخص قبل لايغرقني
وبما اني ربيت اخوي الصغير فعلاقتنا كانت شيء موطبيعي الحمدلله
وللابد احب هالنوع احب يكون فيه شغف وحب ومودة وايثار في علاقاتي العاطفية سواء اخ اخت او اب وام
تزوجت.. واعترف اني فنانه جدًا في اطلاق الكلمات والحركات فعشت قصة حلوه في ايام الملكة وبدايات الزواج
بعد توفيق رب العالمين طبعًا.. لكن عشان اواصل هالشيء احتاج شعور مماثل او على الاقل يحفزني اكمل
احب اودع زوجي واستقبله واحب اجيه بين وقت وقت خاصة اذا كان مشغول منها اعطيه جرعه واخذ جرعه
انا خُلقت كذا احب اطلع هالشيء للشخص الي احبه من دون لا انشب.. لكن
مع الوقت صار الشغل شغله الشاغل ودوامه طويل وما الومه لكن حتى في خارج اوقات الدوام يفكر فيه او يصير هلكان او تعبان وعاذرته لكن مع الوقت صار مايبدي اي ردة فعل اذا جيته او قربت منه متقبل بس بدون ردة فعل وهالشيء اتعبني اتعبني جدًا.. ماحبيت كيف اني مُقبله كُلي بينما هو معتبر هالشيء عادي
صار موقف وراجعت نفسي بعدها كثير.. كان على وشك ينام وكالعادة لازم ادلك راسه مثلًا او اسوي مساج لكتفه وهكذا فقال "خليني" ابي انام

عرفت وقتها انه او ايقنت انه مايحب الاتصال الجسدي حتى لو من فترة لفترة هو كذا طبعه
طبعًا هالشيء جريمة بالنسبة لي
لاني انثى باللمس! لايمكن احس بالحنان للشخص الا بعد ما احس فيه
لكن كرامتي على وشك انها تمس فشلت نفسي وحاولت اعيش كاي زوجه كل واحد ينام بصوب ومافيه احضان لاصبح ولامسا
طبعًا هالشيء مافرق معه الحمدلله لكن انا
مع الوقت صرت ما احس معه باي شغف
كنت اتفنن كثير في اشياء الحين "ماصار لي خلق"
ومرت 3 اشهر من هالشيء واليوم تأكدت اني اصبت بالفتور تجاهه

صارحته سابقًا ومرتين اني احب احس بحرارة جسمك.. وان هالشيء جدًا ضروري للمرأه
ويهمني اكثر من العلاقة.. القرب هذا يحسسني بمأمن معك
لكن مافكر بكلامي الا بعد فترة طويلة
ماعاد ابيه يقرب مني
بس احس بحرمان شديد احسني محتاجه شخص يحضني وقت النوم او وقت ما اكون تعبانه من شغل او دراسة
ولاعاد صرت اتقبل منه شيء لانه صدني من قبل


مر على السالفة شهور ومتزوجه من سنتين.. الموضوع وصل للعلاقة صرت ما ارغب فيه ابدًا وهذا سبب كتابتي لانه صار يعصب
انا ماكنت كذا ولا راح ارضى اني اكون كذا.. بس شسوي حاولت ادخل الزواج بشخصيتي
وما اكون الزوجة المعتادة لكن كان مايبدي اي ردة فعل تجاه اي تصرف..
عرفت الحين ليه كثير ازواج يتشكون ان حريمهم مايلبسون لهم او يتغزلون فيهم او حتى يبالغون في مديحهم

اسألوني انا.. البلا مو في المرأة.. المرأة متى ماغرقت في بحر عطفك ورحمتك عليها خلتك ملك في حياتك
صرت ما اشوف اني استقبله شيء مهم.. ليه انتظر شخص يدخل البيت والجوال بيده يكلم؟
حتى هموم الدوام لاجيت اشاركه يسفهني او يطنشني ويشتغل على ايميلاته.. وبعدين يقولي راعيني وحسي فيني
صرت طول الوقت ساكته لان ماعندي شيء اشاركه فيه

ودي اجيب طفل اعطيه من عطفي شوي ويحسسني بامومتي لكن صعب هالفترة صعب

وش الحل
عطوني افكاركم




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]