السلام عليكم
انا اعاني من قلة ثقة في نفسي وفعلًا انا حاسه بهالشيء لان عندي معايير معينة
من مبدأ اني ما احب الا الجميل والزين فكل اختياراتي بهالحياة مثالية جدًا بعيني
تهمني ادق التفاصيل واسعى جاهدة اي شيء يطلع مني يصير من ابدع واخلق واجمل صورة
سواء هالشيء للناس او حتى لي، ما اذكر اني جلست مع نفسي مرة او رحت انام وانا مو على ابهى حلة
النظافة العطور التسريح الشكل الاكسسوارت يعني عادي حتى لو هي تضايقني البسها وانا نايمه اشياء بسيطة سلسال خاتم وهكذا
المرايا هذي عدوي اللدود، اكرهها لاني اشوف شكلي فيها وموعاجبني💔
مستحيل اسمح لاحد يصورني او يطالعني وقت طويل اكره اكره اكره
احب اتامل في وجوه الناس كثير الا وجهي يجيني نفور منه
ياناس ما احبه ولا احب احد يقرب مني بحياتي كلها ما اذكر اني قربت من احد
لازم متر كنت اخاف يشوفون القبح الي اشوفه
قبح لامتناهي حقيقة هالوجه مرات ابي احرقه ابي اتخلص منه
الحمدلله على نعمة العافية والسلامة الحمدلله مافيه جروح ولا ندوم الحمدلله مافيه حبوب او تصبغات
بس مومتناسق ولا مناسب ولا راضيه فيه
هالشعور براودني من عمري 9 سنين والي كانت اول مره ادقق بشكلي فيها
محد تعرض لي بحياتي وقال لي شيء او حتى ناظرني باستنكار
لكن اعرف وافهم ان وجهي اقل من العادي وهذا الشيء متعبني لاني احب الكمال والجمال
عمري 25 سنة والحين ما اقتنعت..
تزوجت وتصرفات زوجي تخليني اتعب كثير، يحب يصور بشكل موطبيعي
يقرب مني لدرجة اقوم ويستغرب بس ما احب احد يصير قريب ويشوفني ويتاملني
افكر كثير بنفسي رحت واستشرت اطباء نفسيين بس ماطلعت بفايده
الموقف الي خلاني اتعب وافكر بالانفصال لان مالي حيل اتحمل اعباء زيادة
في احدى زيارات زوجي كان قريب لدرجة موطبيعية وما اظن ان فيه احد تاملني هالكثر بحياتي كلها
وفجاه بعد وكانه ييي يشوف من بعيد
ومواقف كثير يصير فيها ساكت لما اسولف ويتامل عقله مومعي):
شسوي علموني؟ انتم تحكون مع وحده فصلت نفسها عن الناس من عمر صغيرة لانها مو حابه شكلها بالشكل المطلوب
الرجال عمره ماحس بقلة ثقتي هذي ولا اظن فيه احد من البشرية هذي يعرف اني اعاني من عقدة الثقة باستثناء اهلي لاني دايم اقولهم انتم حلوين ماخذه انا القبح من ويييين
ماضر القدر لو انه عطانا شوي حلاوة نمشي فيها حياتنا
الحمدلله على كل حال
الموضوع ما اخذ الا حيز بسيطة لايذكر من حياتي لكنها منغصة عيشتي
عايش وعابده لربي وامارس حياتي طبيعي بس ان جيني للعمق هذي مشكلة عويصه من مشكلات الطفولة الي لازلت احملها خلف ظهري
h;vikd
المصدر...