خيانة خطيبتي
 
خيانة خطيبتي
اتمنى تنزيل الموضوع في اسرع وقت
نزلت الموضوع لثقتي في اعضاء المنتدى وارائهم ولو ان موضوعي راح يكون طويل
خطبت بنت من اقاربنا قبل سنوات بقناعه مني ورغبه مني وهي اول بنت تدخل حياتي ولا في حياتي كلمت بنت غيرها حبيتها حب كبير جدا م اشوف غيرها اشوفها اجمل بنت في كل شي قضيت وقت معها بحكم الملكه كانت طويله شوي وكانت من افضل لحظات حياتي وهي شاركتني في كل شي وحسستني بحبها لي وصارحتني بمشاكلها وكل شي يحصل معاها كان فيه ثقه متبادله بيننا وانا شخصيا وفرتلها كل شي تحلم فيه كل طلباتها مجابه كل شي ذهب جوالات مبلغ شهري وصلت الفلوس المصروفه عليها فوق 70 الف وهي مجرد خطوبه قبل الزواج كل ذا علشان اسعدها . ولكن البنت تغيرت علي من غير اي سبب والله م قصرت معها ف اي شي وكان فيه مشاكل بيننا م ترد على اتصالات وسمعتني بكلام مو حلو وانا تأثرت في شغلي وحياتي بسببها ويعد فتره 3 شهور ارسلت اعتذرت وتبي تفتح صفحه جديده وانا بمجرد رسالتها سامحتها ولكن رجعت في عادتها وهذي المره شكت عند اهلها انها م تبيني وكذبت فيني عند اهلها وبعدها رجعت تعتذر مره ثانيه وتبي صفحه جديده وانا احبك وانا من تفاهتي ومن حبي لها سامحتها وتناسيت كلامها عني عند اهلها رجعنا مثل اول ولكن م انتهبت ع شخصية البنت الا متأخر اذا هي تبي شي تجي تسمعني بكلام حلو يعني لمصلحتها هذا الا شفته من شخصيتها.
واكتشفت ان لها اكثر من علاقه قبل الخطبه وبعد الخطبه وترسل صورها لشخص اعرفه معرفه شخصيه وهذي المصيبه وتأكدت من خطيبتي واعترفت وندمت وقالت خلاص صار ماضي وانت ربي جابك لي تستر علي لكن معد فيه ثقه سامحتها برضه بحكم القرابه وم ابي اهلها والناس يدرون لكن تفاجأة بوعودها كلها كذب وعلى اي مشكله تقول خلاص ننفصل وبعدها بساعه تجي تعتذر واخر مشكله حصلت بيننا دريت البنت تتكلم عني عند اهلها بسوء وقالت كلام ان عمري ما قلته لها لكن ابوها م صدق كلامها لانه هو من اقاربي ويعرف تربيتي ويعرف اني من الجامعة للمسجد للبيت وسمعتي الناس كلهم يشهدو عليها . الحين انا وخطبيتي م بيننا اي تواصل طبعا انا م تكلمت بأساس المشكله وكان رأي ابوها خلاص مافي تواصل الا بعد العرس . لكن انا الحين م عندي استعداد اكمل لان البنت كل وعودها الى الان اخلفت فيها والى الان مستمره في طريقها .
تفاهمت مع البنت وقت م اكتشفت خيانتها بخطوط حمر لكن الى الان مستمره حتى في مواقع التواصل الاجتماعي عندها جرأه في التواصل مع الشباب وكلمتها اول ووعدتني لكن البنت اشوف انها مستحيل تتعدل .
ملاحظه في معظم مشاكلنا كنت انا احمل نفسي السبب واطلعها غير غلطانه . حتى المشكله الاخيره م تكلمت عن سبب المشكله لكن البنت الى الان مستمره في هذا الطريق وافكر جديا اني ابلغ ابوها بكل شي . لاني صراحه تعبت جدا ونفسيتي سيئه بسببها .
احيانا اقول اذا تركتها مرح تقدر تنساها لان في مناسبات تكون في بيت العائله وهي اكيد بتكون موجوده .
واحيانا وهذا الراي الاكثر ترجيح اتركها واقول اتكلم على ابوها
لاني خلاص والله محد يقدر يعرف الاشياء اللي تحملتها وفي كل مشاكلنا احمل نفسي السبب كله منشان محد يلومها لكن خلاص لانها انسانه لا صانت نفسها وكذوبه .
ادري بعض الأعضاء بيقول هذا ماضي وسامحها لا مو ماضي لو ماضي كان م استمرت في مواقع التواصل مع الشباب وجرأتها وهي قبل وعدتني تقفل وتحذف الشباب والشي الثاني كلمت شباب قبل الخطوبه وبعد الخطوبه كلمت شخص انا اعرفه شخصيا واكثر من كذا ترسل صورها واعترفت هي شخصيا يعد م فاتحتها في الموضوع وش اكثر من كذا
حاولت معها تبتعد عن هذا الطريق بحكم صلة القرابه وبحكم مبي الناس يتكلمون عن سمعتها وعن سمعة الاهل لكن البنت م ينفع فيها الكلام او التفاهم انا عفت البنت . كيف البنت تقبل على نفسها ذا الشي . والبنت مب صغيره عمرها 23
المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين
odhkm o'dfjd
المصدر...اثبت وجودك
..
تقرأ وترحل شارك معنا برد أو بموضوع
|