السلام عليكم ورجمة الله وبركاته

هذي المشكلة مب انا اعاني منها امي الله يحفظها وانا قلبي يحترق ويتقطع لما اشوفها تنهان وتزعل وخاطري ارذ بس اعرف اذا تكلمت بتعصب عليي ,,,

امي ثاني اكبر خواتها وعندها اخت اصغر منها يمكن بعشر سنوات متزوجة وعندها طفلين وكلنا عايشين في بيت واحد مع جدتي وخالتي المتزوجة وبنت خالي وخالتي الثانية,,, المشكلة انه خالتي هذي المتزوجة ماتحترم امي وتجرحها بلسانها وترفع صوتها عليها حتى لو موضوع سخيف وتعاملها كأنها غريبة مب اختها, فيه مواقف تبين:

خالتي هذي بنسميها سمية مثلا كانت حامل وخبرت الكل في البيت الا امي خبت عنها الموضوع ومره كانت ياية من الموعد يالسين في الصالة تخبر خالتي وجدتي نتيجة التحليل و لما مرت امي في الصالة على طول سكتت وعطتها نظرة و خالتي كانت تسألها شو صار معاج طنشتها ولا ردت عليها كأنها مب موجودة وهذا كله عشان امي ماتعرف.

اذا امي قالت اي شي لازم تعارض رايها حتى لو راي امي صح تعارض رايها وتعصب عليها وترفع صوتها ولما خالتي الثانية تقول نفس راي امي توافق رايها وترضىى.

دايما انا الاحظها اذا كنا مجتمعين في غرفة وامي دخلت على طول وجها يتغير وتتضايق وحتى اذا كانت تتكلم في موضوع عادي تسكت.
احيانا امي تحاول تبدأ معاها الكلام وتسألها سؤال عادي جدا بس سمية تطنشها او ترد عليها بكلمة وحدة بأسلوب غير محترم.

دايما اذا كانت تتكلم مع امي على طول تتنرفز وتعصب ولا تحترمها ابدا ابدا كلامها جارح تجرح امي ولا تحس بنفسها حتى لو موضوع سخيف نفس اليوم على العشاء امي قالتلها انتبهي ولدج بيكب العسل وبيتكسر ردت عليها بأسلوب وقح جدا وبعصبية. حتى أحيانا ترفع صوتها وتصارخ على جدتي وجدتي تسكتلها لانها اصغر بنت عندها لو وحده ثانية من خالاتي ما بتسكتلها.

وامي بنفسها مستغربة تقول انا ابدا ماقلت او سويت لها شي بالعكس انا احبها اكثر وحده لانها اختي الضغيرة, لوسمحتوا اريد حل هي وقحة وتجرح وتعامل امي بأسلوب خايس بس اما الباقين تحترمهم.

المشكلة انا ماقدر ارد عليها لانها خالتي ولازم احترمها وفرق بينا سنوات كثيرة.

اريد حل لوسمحتوا واذا كلمناها بتكبر الموضوع وبتعصب وبتسوي مشكلة اكبر ولانها الصغيرة كلهم بيوقفون في صفها وبيدافعون عنها.




المصدر...