ابنتي وتفكيرها
 
ابنتي وتفكيرها
السلام عليكم
انا ام لثلاث اطفال اثنين اولاد والبنت الكبيرة عمرها 18
يوم كان عمرها 13 كانت تشوف فرقة كورية وتتكلم عنهم وتخليني اشوف مقاطعهم وارتحت انها ما تخاف اني اشوفهم او اغانيهم مسيئة وفيها كلمات بذيئة وقلت فترة مراهقة وتعدي نفس كل حاجه تهب فيها
والحين البنت كبرت وعندنا البنت من 17 وفوق تتزوج في منطقتنا وكل ما يجي احد يخطبها ترفض وتقول ما ابي اتزوج وبعدني صغيرة وابغا اعيش حياتي وووو
مدري متى تعقل تتابع انيمي مدري شسمه هالكراتين وماخلت دولة اسيوية ما تشاهد مسلسلاتهم حتى الامريكان والاتراك لفت العالم وعلى هالجوال عيونها تضررت وصارت تلبس نظارة منه
وغرفتها كلها صور ممثلين وكراتين وخرابيط
ودراستها الحمدلله متفوقة فيها
قطعنا منها المصروف وفتحت مشروع مع صحباتها وصارت حتى طلب ما تطلبه منه ولا نشوفها اربع وعشرين ساعة بغرفتها لا الضيوف تجلس معهم ولا اعراس تروح معي ولا زواج تبي مدري وين اودي وجهي عند الناس
وابوها يويلي عليه ماعنده الا هي ومافيه حيل من هالسكر والام المفاصل تعبنا منها
انا بنتي احبها ويحلوها تسولف لي عن كل هالخرابيط وبس تهرج فيهم والحمدلله انها تعتبرني صديقتها وذا الي حرصت عليه ما تخبي علي شي
لكن افهموني انا ام وخايفه على مستقبل بنتي ما تتزوج وتضيع وقتها وحياتها على هالاشياء
المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين
hfkjd ,jt;dvih
المصدر...اثبت وجودك
..
تقرأ وترحل شارك معنا برد أو بموضوع
|