السلام عليكم..
متزوجة لي 8 سنـوات ، وعندي بنت وولد وحاليا حامل
مشكلتي زوجي مهملني بسبب عاتبته على شيء بسيط
وقلب الموضوع شخصنة علي
المهم سألته وش سبب الزعل وجرحني بكلامه وكسر قلبي ،
اول شيء قالي وهو على جواله حتى مايطالع فيني ، ما ابي
اكلمك في شيء ، واصلا غلطة حياتي اني تزوجتك ، والله لا اتزوج
عليك وتمشين معي المكان اللي بروح له وانتي ساكته ،
صارحته صراحة وتنرفزت من كلامه بعد ماكسرني
قلت انت اصلا عايش للدنيا الاخره ماهيب في قاموسك
الصلاة اللي الله خلقنا عشانها ماتصليها ولا تحط ركعة
وحتى انت غلطة حياتي اني تزوجتك ، حبيت ارد له الاهانه من قهري ،
وفلانه وعلانه اللي كنت تكلمهم من وراي مانسيتهم
ترا بس انا متحمله عشان عيالي ولا راح اتطلق عشان
ما يتشتتون والله يعيني عليك
الزبده جلسنا نتجادل وماجبنا نتيجة ، شرحت له اني
حامل وطبيعي نفسيتي بتكون تعبانة ، المفروض تداريني
تدرون وش رد قال وع وع فيني لوعة ، يطقطق علي
قسم بالله انقهرت والدمعة في عيني ، ماقدر نفسيتي
وانا حامل حسيته متقرف مني عشان الغثيان
طيب غصب عني ، المهم خنقتني العبرة وقلت له
الله جعلك تذوق اضعاف اللي فيني وجعل قلبك
ينكسر مثل ما كسرت قلبي
هو للان مانتواصل يمكن لنا اسبوعين ، ومهمشني
وانا صرت افكر في الطلاق لكن مترددة عشان اطفالي
والله اني متحملة عشانهم ، مدري وش الحل
ضاقت فيني الدنيا وجيتوا في بالي لعلي احصل
لمشكلتي حل …
,a hgpg lu hilhg hg.,[
المصدر...