معانى الانوثة
الانوثة نعمه غالية ربنا اللى اداها ليكى
وبإيديكى تحفظيها أو تضيع من بين إيديكى
احمدى ربك تملى واشكرى نعمه عليكى
اوعى تفتخرى بجمالك كله زايل من عنيكى
الانوثة مش مجرد حبه احمر على الشفايف
الانوثة مش فى إنك تهوسى عقل اللى شايف
ابعدى عن كل شبهة دول بناتنا كتير عفايف
الزهور بتكون جميلة طول ما لسه الشوك حاميها
بس لو يوم شوكها سابها ألف ايد تتمد ليها
خلى نورك جوه قلبك والايمان هيكون ماليها
خلى مكياجك ايمانك مش بأحمر على الخدود
طهرى دايما فى قلبك بكرة نصبح أكل دود
مش تعدى أى كلمة قفلى كل السدود
عطرى روحك بذكرربك وارضى ربك وامشى راضية
لو فى مرة حد عاكسك مش تردى بكلمه فاضية
اوعى تدى فرصة ليهم ادى ليهم ضربة قاضية
الانوثة مش بإنك تهوسى عقل الشباب
الانوثة هى إنك تحمى نفسك من العذاب
الانوثة شىء وكامن جوه منك وانتى باب
إوعى تتميعى بكلامك أو تقولى دول صحاب تبقى
تستهلى اللى يحصل والسؤال ملهوش جواب
إقراى فى القران وسبيك من الاغانى مع الصحاب
اعرفى سنة رسولك والبسى فرضك حجاب
إوعى تلتفى لكلامهم مش ده أرحم من العذاب
لو تقيسى الدينا دى إية هتاخدى غير تراب
انسى مكياجك وسبيى نور ايمانك يملى وشك
بدلى مرايتك بقلبك مستحيل قلبك يغشك
كل شىء فى الدنيا لما بيداروه بيزيد جمال
والعفاف للبنت يغلب أى شكل وأى مال
انتى اجمل الف مرة لو جمالك جوه قلبك
مش مهم الخلق ترضى المهم هترضى ربك
هو ايه فى الكون دا يغلب لو إله الكون دا حبك؟
هو ايه فى الكون دا يغلب لو إله الكون دا حبك؟
هوه احسن ترضى ربك ولا ترضى الناس بحالها؟
هوه إيه للبنت يشفع ؟شكلها ولا عملها؟
دا الجمال فى الجسم زايل انتى شوفتيه دام لمين ؟
والجمال فى الروح بيفضل مهما بتعدى السنين
كونى بنت بألف راجل إخرسة الطماعين
سيرة البنت العفيفة هيه احسن شىء يدوم
حبرها مكتوب بدينها مش بمكياج او هدوم
إوعى صوتك يعلى مرة دة الرسول علم علوم
انتى بإيديكى تكونى زى نور وسط الغيوم
الشاعر /احمد عبد الله