ازيكم حبايبى يارب تكونو بخير
انهارده عملتلكم اكله بسيطه
يارب تعجبكم
المقادير
كرنبه
طماطم
رز
بهااااراااات
كزبره شبت بقدونس
بصل
توم
زيت او سمنه زى ماتحبى
الطريقه
جيبت الكرنبه وقطعتها وكل ورقه منها شيلت العرق الكبير


وبعد ماخلصت كل الكرنبه غليت مايه وحطيت عليها ملح وسلقت الورق

وده شكله بعد السليق

وبعد كدا لفيت الورقه رول كدا لسهولة لف الصوابع

وبعد كدا قطعتها كدا

وبعد كدا فكيت الصوابع دى وقطعتها صغير

وسيبتهم على جانب وحضرة الصلصه
قطعت البصل والتوم وصفرتهم فى شوية زيت وفرمت الطماطم وحطيتها على البصل وحطيت التوابل
وبعد كدا لما اتسبكت قطعت الخضار عليها

وبعد كدا غسلت الرز وصفيته من المايه وحطيته على الصلصه وحطيت شوية زيت وقلبت الخلطه على بعضها



وجيبت ورقتين وفرشتهم فى الحله

وبعد كدا بدات احوط الرز فى الورق

وبدات الف الورق

وارص فى الحله

ولما خلصت غليت الشوربه وحطيتها عليه وسيبته على النار

وبعد كدا غرفت وبالف هنا


على فكره العروق ال قطعتها من الورق
عملتها مخلل
وده شكله لما قطعته

وبعد كدا قطعته صغير وغسلته وحطيت عليه ملح
وسيبته لتانى يوم

وبعد كدا احوط مايه فى برطمان وشطه واحوط عليه
القطع دى وبالف هنا بيبقى زى الفل