السلام عليكم ورحمة الله وبركاته

شكرًا على هذا المنتدى والقسم المفيد وانا من المتابعين لسنوات هذا القسم واستفدت كثير


عندي مشكلة مالقيت لها حل ولا قادرة استحمل

زوجي بالطيف ماقد شفت زيه
اولا احنا في بعثة هو المرافق من البكالوريوس الى الان يدرس في أمريكا مرحلة الدكتوراه
أتزوجنا عام 2010 من ثاني يوم سافرت معاه وكان عمري وقتها 18 والله ياجماعة كسرتني الغربة لا لغه ولا أهل ولا حتى ناس جنبي حملت واجهضت لقلة استيعابي وهو إنسان طبعه غريب إنسان متكبر ومغرور
تخيلو ماعرف إِيش استفدت معاه غير خلفت طفلتين وحاطهم في حلقي ياناس مايرحمني ويحترم صغر سني هو اكبر مني ب 11 سنة عاد تخيلو الين الان مداخلت جامعة وادرس والسبب هو كل وقته برا البيت يذاكر ويساعد الطلاب وكل من يحتاجه وإذا حصل وقت فراغ يروح الرياضة ولياقة وانا بين اربع جدران كل مااجي أتكلم معاه يصرخ ويتركني ابكي ويمشي خلال ماتزوجنا اربع مرات سافرت لحالي عند اهلي هو ماينزل معايا بحكم عنده دراسه
قدرت كثير وصبرت عشان غربه وبكون بنت أصول يشك فيا يراقب كل شي أسويه وصارت مشاكل ومشاكل بس مافكر يقرب مني والله العطيم العلاقة واعذروني على كلامي ماعرف عنها شي خمس دقايق وانتهى وكل يوم زي كدا كرهتها يجيني بريحته ولا يهتم بنفسه ولا شي غير اذا جاء بيروح للجامعه يوقف ساعة عند المرايا يتزبط ويتعطر ويحلق شعره كل يوم وانا اطالع أقول سبحان الله وانا جئت بكل الطرق افهمه انه يتنظف عشاني مافي أمل والله من ينام جنبي الف الجهه الثانيه ماقدر اقرب وجهه واتحسر عندي زوج بالاسم
التقطه الثانيه وهي اربع سنين مانع عني أتكلم مع أمي باي شي يخص حياتنا واحترمت كلمته ونفذت أمي وأهلي بس يعرفو أني طيبة وعايشه وخلاص
وهو العكس كل شي يقول لامه وأمه تنشر غسيلي عند كل الناس لدرجة أني الى الان ماعرف اسماء أهله زي اخوانه واخواته من ابوه وهما صارو خايفين مني وجيت وسطهم اخدم واسوي ويشهد الله ان بنعاملتي الطيبة وأخلاقي ملكتهم فصارو يحكمني كل شي زوجي كان يقولو لامه طبعا الان اتوفت لها كم شهر ربي يرحمها
غير كدا زوجي كتوم اسمع من حريم اصحاب زوجي إِيش هو بيعمل وايش يخطط انجرح وأروح أتكلم معاه ليش يافلان ماتشاركتي ليش ماتجلس معايا نتكلم زي كل المتزوجين يقولي أنا مو مقصر ولما اعدد له الأشياء يقول إنتي تبالغي اسكت وابلعها
ياناس زوجي مايغار عليا يتركني عند اهلي ولا يدري طلعت ولا رحت مع مين طبعا بناته صغار أنا الام والأب لهم تعبت اقولو تراهم امانه يارجال يجاملني شويه يجلس معاهم وينشغل ولا ادري عنه

طبعا بعد ماخلصوها الماستر اظطرينا نجلس بالسعودية سنه الين يبدأ قبول الدكتوره وقتها فكر يتوظف وانقبل في مدينة بعيدة وصغيرة في سعودية ينبع رحت معاه وانا حامل على وسك ولاده
استحملت تعب السفر والتعفيش عشان خاطره ولا يجلس لحاله ومحد بيستخملني أنا حامل وبنتي معايا وولدت وقتها أنا بالمستشفى سافر يجيب أمي تجلس معايا
وانا لحالي اغمى عليه 6 ساعات وصحيت لحالي اتصلت عليه قال هو راح عند بنته في حضانه قلت ماشفتني قال لِسَّه وجا وقف عند الباب سلم هو واقف ومشي كسرني الموقف
ليييييييش يسوي كدا معايا أنا ماقصدت معاه خلص النفاس
صار يروح الدوام الصبح يرجع العصر يتغدى ينام يصحو يروح النادي يرجع تعبان يتعشى ينام
أنا بنجن مريضة وبناتي صغار أكلمه مايسمع اشتكي لي ابويا برضو مافي فايدة كلمت اخته مافي فايدة كأنه طززززز تفكيره اناني ودايما يقول أنا مو مقصر
جاء وقت دراسة الدكتوراه طلع البعثة وحطين عند ابويا مع بناتي عشان قالي ازبط اورقكم والإقامة عشان تجو خلى فوق راسي الفيز حلقتنا اروح واجي بين أرامكس والسفارة كل بعد يومين في مشكله ولا في مواصلات اروح تكسي وأخلي بناتي عند شغاله تخفت ومرضت وهو اتصل عليه القاه جالس في الكوفي ولا في نادي
لعلمكم زوجي ماله في الحريم يعني خيانات وتواصل اجتماعي لا معاه جوال ابو كشاف ومن كم شهر اخوه أعطاه أيفون وهنا زاد انشغال زوجي تعبت أتكلم معاه يبرر انه مشغول ولما يفضى يشغل التلفزيون يحط اخبار او فلم نتفرج طبعا ساكتين وبعد ننام وانتهى اليوم وانا ماهرجت معاه بشي
صرت أزعل يسكت ولا يرد ولا يعتذر
وصار يجيب سيرة الانفصال وانا أقوله ليش إِيش سويت أنا بس أبغى أتكلم معاك أنا احتاجك نفسي افضفض لك مالي أقارب ولا اخوات ولا صديقات بحكم التنقل الزايد يقولي أنا ماهي قادر افهمك إِيش تبغي
وأقوله نفسي نعرج نضحك نمزح ابد مايستوعب ومن نخرج اشوفه يضحك وبالجوال يازينه مع الناس

أنا والله كل مكان الناس تشهد بأخلاقي حالي حال نفسي مرتبه نظيفة ملتزمه محتشمة صوتي واطي بيتي يفتح النفس طباخة متعلمه ومثقفه اقرأ كتب ولي خبره بكل شي
وبناتي مؤدبين وبنتي عمرها 4 سنوات حافظة ايات من القران
والله من اطلع برا البيت احس بقيمته لما الأمريكان وانا محتشمة وبحجابي ساتر ألقاهم يتغزلو وزوجي ولا حياه لمن تنادي
مابغى طلاق عشان بناتي بس أبغى زوجي يعاملني زي المتزوجين يهتم فيني ويسمعني اذا مرضت يحن عليا والله خالي أتوفى قبل كم أسبوع قالته قالي الله يرحمو هذا طريقنا مره كنت أبغى حضن أبغى احس احد قريب مني

من أتكلم معاه يقولي عاد نصيبك أنا الله يعينك

طبعي كدا وانا كدا طيب ماختلفنا بس اهتم عادي عنده أزعل اطلع برا البيت مراجع مايدور عبئا
أتمنى وصل لكم مشكلتي مادري قلبي مليان وجاني الضغط من الحياة هذي
وعلى فكرة أنا الوحيدة من عائلته مو من نفس قبيلتهم
وماكنت حاطه فبالي اختلاف اللون ولا الشكل ولا شي قد ماكنت أبغى اتزوج ابن الحلال
كل شي فيه تمام زي يصرف فاتح بيت شايل نفسه مايطلب من احد فلوس حافظ قران بس عندي يقرا غيب
وفي نقطه تقهرني اذا احد من أهله ولا الجيران ولا اي احد يغلط عليا مايدافع عني ولا يكون ليا ظهر
كلامي فوق بعض بس كل آذاني صاغيه دلوني على حل

والله ماعد يلغى يتكلم معايا ومكشر بالبيت وبرا البيت اذا سالته ليش ماترجع يقول عشان لايحسبوني الناس أني خفيف حولك


وهو من كثر ماعرف وسطهم كرههم بس مجبور يلغى يخلص ويرجع

أنا تعبت اصلي الليل وادعي واستغفر بس الأمل بالله
إِيش أسوي معاه ماينفع اطنشه لأَنِّي هنا لحالي ومستقبله مرتبط بيه ودراستي يارب




المصدر...