الموضوع
:
بوريك بالجبنة والزيتون
عرض مشاركة واحدة
12th April 2013
#
1
مشرفة قسم المطبخ
الملف الشخصي:
تقييم العضو:
قوة السمعة: 253
بوريك بالجبنة والزيتون
السلام عليكم ورحمة الله وبركاته
المقادير:
العجينه:
1/2 كيلو دقيق
أقل من ربع كيلو سمن بدرجه المطبخ
1 ملعقه كبيره سكر
1 ملعقه كبيره خميره
1 ملعقه صغيره محسن خبز
2 ملعقه كبيره لبن بودره
2 ملعقه كبيره صلصه طماطم جاهزه (بتدي العجينه لون وطعم جميل)
1/4 معلقه صغيره كركم
ملح
ماء دافئ للعجن
الحشو:
جبنه فيتا+جبنه رومي مبشوره+زيتون اسود مقطع+ملعقه زيت
وتقلبيهم كلهم مع بعض في طبق
وتعملى حسابك في بيضه أو أتنين علشان تدهنى بيها وش العجين قبل ما تدخل الفرن
وهنحتاج حبه البركه وجبنه رومي مبشوره نرشهم علي الوجه بعد ما تدهنى الوش بالبيض
الخطوة دى اختيارى
انا عملتها مرة كدة ومرة كدة الاتنين احلى من بعض
ولازم الزيتون مع الجبنة بيعطو طعم جميل الجبنة لوحدها مش حلوة
نبتدى على بركه الله
الطريقه:
نخلط المقادير الجافه مع بعض(الدقيق,الملح,السكر,الخميره,المحسن,الكركم,اللبن البودره
نضيف السمنه والصلصه ونخلطهم مع بعض
نضيف الماء الدافئ تدريجيا حتي تتكون العجينه
هنضع العجينه في طبق مدهون زيت ونغطيه ونتركها تخمر حوالي ساعه
وبعد كده نقطع العجينه كور صغيره
نبطط كل كره ونحشيها من خليط الحشو ونقفلها زي القطايف والاطراف نضغط عليها بالشوكه عشان ماتفتحش في الفرن
هنتركها تخمر مره تانيه 1/2 ساعه
وبعدين نلمعها بالبيض اللى قولنا عليه ونرش علي الوجه حبه البركه وجبنه رومي مبشوره ونرصهم في صينيه او صاج مدهون زيت خفيف
ندخلها الفرن علي درجه حراره 200 ونتابعها لغاية ما تستوى
بالف هنا مقدما
واللى تجربها ان شاء الله تيجى تقولى النتيجة
واهم حاجة يابنات فى الموضوع تسيبى العجينة ترتاح
اثبت وجودك
.
.
تقرأ وترحل شارك معنا برد أو بموضوع
مؤمنةبربى
مشاهدة ملفه الشخصي
إرسال رسالة خاصة إلى مؤمنةبربى
البحث عن المشاركات التي كتبها مؤمنةبربى