اسعد الله أوقاتكم بكل خير
أتمني ان تكونوا بخير
فكرة اليوم
هي كيك خاص بالشاي او القهوة
مين فينا مش بيحب الكيك وخاصة انا
مش بعرف اشرب الشاي لوحدة
لازم ولابد وحتماً ههه
ان يكون معاه اي حاجه
بسكويت
قراقيش
كيك بانواعه
واعتقد انكن مثلي
وفي هذا الموضوع سوف اقدم لكم كيكاتي الحلوة
والحمد لله والشكر لله يعتبر انا مشهورة بيها ف وسط العائله والأصدقاء
وكمان هااقولكوا ع سر بسيط
يخلي الكيك هش وخفيف واسفنجي
وبإذن الله مضمونة النجاح
{ كيك البرتقال}
مع الذ صوص
يعتبر كيك البرتقال هو المفضل عندي
لاني بحب اي حاجه فيها برتقال او نكهة البرتقال
وغير كده مفيد للأطفال لما يحتوي عليه من
فيتامين c
نشوف الصور الاول
وبعدين نكمل
المقادير:
3 حبه بيض حجم كبير او 4 اذا كان الحجم صغير
1/4 1 كوب سكر
1/2 كوب زيت
كوب عصير برتقال طازج
او ممكن تحطي
1/2 كوب حليب + 1/2 كوب عصير برتقال
الاتنين حلوين
2 كوب دقيق منخول
م ك ب ب + رشة ملح
1/4 م ص ب الصودا وهو دا السر
اللي يخلي الكيك هش وناجح وعلي ضمانتي
فانيلا
م ك برش برتقال
ألطريقه:
نخلط البيض والفانيلا والسكر في خلاط العصير لغاية ما لونه يبقي فاتح
ثم نضيف عصير البرتقال
ثم الزيت ونخلط
في وعاء اخر
ننخل الدقيق مع البيكنج بودر وبيكربونات الصوديوم والملح
نصب الخليط ف وعاء ثم يضاف له خليط الدقيق ويقلب ف اتجاه واحد بمضرب السلك اليدوي
وطبعاً مع اضافة برش البرتقال في اخر مرحله
ثم يصب ف صينية وسط مدهونه ومرشوشه بالدقيق
ثم تخبز ف فرن مسبق التسخين علي الرف الاوسط
ماشاء الله هشة ومنتفخه
طبعاً ممكن تقدم كدة سادة مع الشاي
وممكن نعمل لها صوص
للي يحب حسب الرغبه
ع العموم دي طريقه جديدة ومفيش حد سبق وقدمه
ولذيذة
للوصول الينا ومتابعة كل جديداكتبي بمحرك البحث (منتدى عـدلات) او (3dlat)
المصدر...