ماتوقعت بيوم اكتب بهالزاوية لكن هذا أنا أكتب لأني ماعرفت لمين ألجأ بعد الله
انا بنت عمري 28 متزوجة لي اسبوع
من ايام الملكة كنت الاحظ في زوجي لما يزورنا تصرفات غريبه لكن مااعطيت الموضوع ذيك الأهمية كان شوية في رجفة وكلامه كله تأتأة وشخصيته مهزوزة ولايعرف يسولف زين فقلت يمكن عشان الوضع جديد عليه او منحرج واصلا زياراته كانت كل 3 شهور تقريبا والسبب مني ماكنت احب اشوفه باستمرار لان الجلسة معاه كانت مملة جدا
تزوجنا وطلعنا لفندق وحاول يدخل علي لكن ماقدر اظن لانه مريض بالسكر اثر عليه او انه عنده مشكله مااعرف
هو طيب وخدوم ويلبي كل اللي ابي لكن مااحسه رجال فعلا لا من تصرفات ولا اسلوب ولا شخصية عمره 31 كان عمره 17 حتى صوته كنه صغير
مدري وش اسوي احس حياتي منقلبه جحيم ماني قادرة اتأقلم معاه واحس اني عفته
ولا لما زرت اهلي اول زيارة بعد زواجي حسيت المكان غريب حتى اهلي نفسهم يعاملوني برسميه كاني غريبه
كأني صرت غريبه عن كل شي ولا لي احد
امس اطالع بالحبوب عندي بالدرج وافكر ابلعها وارتاح من هالعذاب لكن خوفي من الله يمنعني

وبس عشان اكون اكثر مصداقية معكم انا كنت اعرف واحد من سنين طويلة وحبيته من قلبي وبزواجي انتهت علاقتنا لكن ماقدرت اطلعه من قلبي ولحد يقول لي انه السبب اللي ماخلاني اتقبل زوجي
والله العظيم لو كان مواصفات زوجي طبيعيه زي باقي الرجال مااظن بتجيني هالضيقة والكآبة
عجزت اعرف اتصرف ولا اعرف وش اسوي .... ساعدوني




المصدر...