لازم اكون قوويه .. ليه لازم؟؟ انا اقول لكم ليه.. لاني البنت البكر لأمي ام البنات المطلقه من ابي ظلما وجورا .. ولاني البنت الوحيده الموظفه.. ولاني لو بكيت او شكيت انهار بيت امي .. ولان امي مرريضه وماتحتمل شكواي .. ولان خواتي صغار .. ولان ابوي لااهي ببيته الثاني وتاركنا ..تحملت هم بيت امي من يوم انا بالجامعه وصرفت عليه من مكأفاتي .تخرجت وتوظفت وزاد الحمل علي بس صبرت وقلت بتزوج ويشيل همي زوجي وارتاح ... بس لأن فيني اعاقه مااعاقتني الا عن الزواج لأني بمجتمع يحكمه المظهر .. تأخر زواجي ولما انكتب لي وتزوجت تزوجت متزوج وقلت خيره اكون قريب لأمي ومااتركه ..بس من اول ايامي مع زوجي حسيت انه ماحبني ولا بيحبني .. طبعا بما انه بمكان ثاني غير مكان دوامي اتفقنا اطلع معه بالويكند .. بس مو كل ويكند يجي والسبب مره لانه مسافر بولده يعالجه ومره يتصل ويشاورن يجي او لا وبصراحه تعز علي نفسي واقول لا
مرت اشهر وللاسف غلطة غلطتي الكبرى وحملت .. صحيح ان زوجي فرح وكنه اول مولود له بس زاد بإهماله وابتعد عني .. بحجة انه خايف علي من المشاوير والطريق .. نص الاجازات اكون عند اهلي لانه يحسسني اني ثقيله عليه واحيانا يقول لي ماتبين تسيرين لأبوك مع انه يعرف لو ماتكلمت ان علااقتي بابوي مو ذاك الزود .. هالاسبوع المفترض اطلع معه .يقول بيودي ولده للشيخ بمنطقه ثانيه وبعد بيطلع لموعد بالرياض يعني بيمر اسبوعين مااشوفه .. بصراحه تعبت ماابي منه الا اهتمام ويشيل مسؤليتي بس ..تعبت من احساسي اني وقت فراغه زوجه وأذا انشغل خلاص .. بتقولون ناقشيه ..ناقشته ..ينفعل شوي ثم ينكر ويقول مو صحيح ويقول لو ماابيك ماارضيتك اذا كنتي عندي واذا التقينا اتمنى يفتح النقاش ولو فتحته انا مايجاوب ... تعععععبت وافكر جديا اطلب فراقه بس شايله هم هاللي ببطني وش ذنبه يطلع للدنيا ماايتعرف على ابوه .. تعبت وابي مشوره .. احساسي صادق والا زوجي صادق وظروفه وانشغاله بولده تعطيه الحق يهمش وجودي




المصدر...