السلام عليكم ورحمه الله وبركاته ي اخواني واخواتي بحكي لكم واقعي المرير وان شاء الله ما اطول عليكم انا بنت كنت ارفض الزواج من اي شخص من اقاربنا لسوء اخلاقهم اولا ثم لرفضي لزواج الاقارب المهم انخطبت من شخص ذو خلق ودين من غير قبيلتنا واستخرت وارتحت له وتم الزواج بيسر وسهوله هو مطلق من ابنه عمته يعمل طبيب عيون وهي بنفس المهنه طبيبه عيون وانا خريجه جامعيه قسم عربي انتساب يعني اقل منهما بالشهاده جدا، انفصلا بسبب تدخلات عائلتها بحياتها ودعمهم لطلاقها للعلم انها تزوجت زوجي وهي تدرس بالثانويه وهو من دعمها لدخول كليه الطب وهو الداعم لها بعد التخرج درسوا مع بعض وتخرجوا مع بعض وتوضفوا مع بعض ، المهم زوجي يكثرمن ذكرها كثيرا ايام الملكه والشكوى من اهمالها له وتكبرها عليه بعض تخرجها ووضيفتها وتحمله لها وتحمله لشتائمها واهاناتها وتدليعه لها اشد انواع الدلع على قوله يمكن الدلع يلين راسها اليابس ، المهم كنت اطنش وقت الملكه واقول يمكن اقدر انسيه بس تزوجت من حوالي 6اشهرومازال الحال بذكرها طول اليوم ويتذكر تدليعه لها ويتذكر نكرانها له ويتذكر قسوتها عليه وانه كان يسوي لها القهوه والشاهي ويشربها بيده وكان يسوي لها الاكل ويأكلها بيده وكان يغسل الملابس والمواعين وينضف البيت وقت غياب الخادمه ويمسك العيال هو وينضفهم ويغسل لهم وتصحى تلاقيهم جاهزين المهم انه اخذ دور المربي هو بنفسه ، وصار اذا انذكرت قدامه يعصب ويصارخ ويدعي عليها واللي قهرني زياده للان باقي محتفظ ب صوره من كرت العايله قبل يطلقها وللان يراقب اخبارها وتحركاتها ووين جايت ووين راحت ودايما يقارني فيها انتي احلى منها انتي اجمل جسمك احلى من جسمها صوتك انعم من صوتها والاهم من هذا كله احيان يعاملني بجفاء نوعا ما يزعل ويرفع صوته علي من اتفه سبب بيتي من اسواء البيوت ولايقدم لي المصروف طلباتي اغلبها غير مجابه واحيان يلبي لي رغباتي احيان يكون حنون معاي واحيان قاسي حتى بمرضي لازم اقوم اشتغل واسوي له طلباته وقومي سوي لي قهوه سوي غدا عشا نضفي رتبي اكوي امسحي صرت احمدالله ان دوامه طويل وشفتاته كثيره في الفتره الاخيره بداء يتغزل بالحريم وهذي حلوه وهذي تخبل وهذي جسمها حلو مع اني كنت رياضيه وجسمي رشيق متناسق قبل الزواج لكن بعد زواجي منعني من الصالات الرياضيه ومنعني اجيب الالات رياضيه للبيت احيان يصير حنون واحيان قاسي واحيانما احسه ما يحبني واحيان احسه يموت فيني ماني عارفه اميز شعوره واليوم صدمني يقول ابغاك تعيدين الباكلوريوس بتخصص افضل وتجيبين درجات عاليه وتدرسين ماستر ودكتوراه وتتعلمين لغه انجليزيه وسجلني في معهد في امريكا وحجز لي وانا طبل بالانجليزيه ما افهمً شي ولا عمري سافرت من الرياض ولا عتبت برا الرياض علشان اروح امريكا والمشكله اول ماوصلت امريكا جلست ابكي بالمطاربس امشي وراه زي المبلوهه ما اعرف ايش اسوي وعايشه هنا مع اخته هي اللي توديني وتجيبني وتسحبني وراها زي البزر واحيان تخاصمني اذا غلط لاني ما اعرف نظام الدوله ودخلت معهد اللغه وقمه الاحراج اللي في الكلاس معاي دوافير ولغتهم ممتازه انا الوحيده اللي ابتلشوا معاي وجابوا لي مترجم علشان يفهمني واذا غاب المترجم الطلاب العرب في الكلاس هم اللي يترجمون لي صار لي ادرس بالمعهد تقريبا ثلاث اشهر ولغتي مو راضيه تطور اختباراتي في التحدث والقراءه والكتابه ضعيف واللي معاي مستواهم اقل شي متوسط اصبت ب احباط وانعزلت حتى عن اخته والان غايبه عن المعهد من اسبوع ويتصل ما ارد عليه عارفه ان اخته قالت له عن نتائجي وغيابي وعارفه توبيخه الشديد احس اني انعفست مره وحده وخايفه من فشلي بتعلم الانجليزيه وخايفه من فشلي بدراسه الجامعه احس اني مشوشه خصوصا اني سيئه جدا بالانجليزي ما افرق بين الدي والبي ولا حتى اعرف الاحرف والارقام ماني عارفه كيف مستقبلي معاه وصلت مرحله اني اطلب الطلاق وارتاح واحيان اتعوذ من الشيطان والله مدمره نفسيا ي اخوان ساعدوني نفسيتي سيئه اكثر مما تتصورون ما انام ولا اكل ولا ارتاح بس افكر وين بتوديني الدنيا




المصدر...