السلام عليكم.. قررت طرح مشكلتي في هذا القسم لما وجدت من الردود الرائعه
والتي يكون فيها الحكمه ..

مشكلتي انني مخطوبه منذ سنتين لاحد اقربائي ولم يحدد الزواج بعد ..
وانا من فضولي جاء يوم وقلت خليني اضيف خطيبي من حساب مجهول يعني بدون ما اقوله اني خطيبته واخليه عندي عشان افهم شخصيته قبل اتمام الزواج .. يعني كان مجرد فضول فقط . مثل أي بنت تتمنى تعرف شخصية الانسان اللي تقدم لها وبيكون شريك حياتها
المهم مرت الايام وكان مجرد اشوف تحديثاته وبس وطبعا جاء يوم ودخل كلمني عالخاص وبدأ بالسوالف معي على اساس اني كأي شخص جديد مضاف عنده المهم وجاء يوم ارسل لي صورته مع بنت !!!!!!
طبعا تجننت وقتها وعيوني ماصدقت اللي شفته يعني من جد صدمة كانت قويه لان الولد سمعته كويسه واستغربت اصلا كيف يرسل صورته مع بنت لشخص مجهول مدري هل هو تصرف غبي او انه ربي اراد اني اعرفه على حقيقته ..
المهم شفت الصوره وطبعا تاكدت ميه فالميه انو هو لان الصورة واضحة وضوح الشمس لانه قريبي واعرفه .
المشكله الان صارلي سنه تقريبا ساكته ماتكلمت لاهلي لاني مصدومه ومو عارفه كيف اقولهم
بإيش تنصحوني تكفووون شورو علي
هل تنصحوني اجيب رقمه وأواجهه شخصيًا ؟؟؟؟
تكفوووون ابي حل مايخليني اندم لان الشخص سمعته كويسه بس مدري وقتها وش صار الشيطان لعب ببراسه ولا شنو الهرجة انا مو عارفه


وهل ترون انه لا يحق لي الحكم على ماضيه؟
بس انا والله ماكان في نيتي اني اتجسس عليه زي ماقلت لكم كان مجرد فضول وماتوقعت ابدا انه يصير شي كذا مررررره ماتوقعت

تكفوووون ساعدوني بالحل السديد جعل ربي يسعدكم ويحفق لكم اللي تتمنونه انا في هم وحيره من هذا الموضوع لايعلم به الا الله ومسستحيل ان انسى مارأيته .

انتهى .




المصدر...