السلام عليكم ورحمة الله وبركاته

اشكركم على هالمنتدى الرائع راح ابدا من غير مقدمات انا شاب عمري 25 سنه عشت حياة طفوليه صعبه بين مرض وعنف اسري وكلام قاسي مرضي كان سحر وتعذبت 3 سنين وعشت ايام ماتمر على مسلم ان شاء الله عانيت فيها من جد تبهذلت بين المرض وقسوة ابوي ابوي انسان جاف عاطفيا عنيد اهم شي رائه يمشي مايحب احد يمشيه على رائي في ايام مرضي كان اسلوبه في علاجي عنيف جدا لكن الحمدلله شفاني الله ورجعت طبيعي وتلاشى المرض دخلت الثانوي واكتشفت ان فيه بنت من بنات العائله تحبني وانا في وقتها ماكنت افكر فيها ولاحاط لها بال اكتشفت مع الوقت انها تحبني منجد مو لعب وتاكدت انها تحبني ولا ليش اختارتني من بين الشباب الي بسني من رغم ظروفي الي مريت فيها بديت اتعلق فيها انا في هاك الوقت محتاج للحب والاحتواء والمشاعر الصادقه حبيتها ودام الحب سنتين هي اصغر مني بسنتين المهم صار معروف عند العايله اان فلان لفلانه ويحبون بعض وفجئة وبدون مقدمات تقدم واحد من العائله له البنت ووافق ابوها طبعا ابوها جاف ظالم مايعدل بين عياله وافق وعطاهم الموافقه طبعا بعد ماكلم زوجته الثانيه تاخذ رائها وزوجة ابوها ظالمه طاغيه المهم وافقت البنت بالغصب وغسيل المخ الي جاها يعني بالعربي تنازلت عن حبنا جاني الخبر مثل الصاعقه انصدمت صرت مهمل حزين تزوجت البنت وراحت اقولكم عشت ايام صعبه جدا وكل من يعرفني انتقدني تغيرت وصرت شارد فكريا وكسول ومايهمني شي بالحياة تعبت نفسياصار معي هلع اتعبني صرت ماطلع من البيت وانتكست حالتي يعني مافتكيت من صدمة المرض الى صدمة الحب والفراق بعدها دخلت الجامعه وانا على هالحال واذا شافني احد جاملته بابتسامه وانا من داخلي ذاك الحزين المقهور لكن رجعت لله وصرت ادعي بصلاتي وافرجها الله علي وتلاشت هالحاله مني وراحت بفضل الله لكن مانسيت اني حبيتها من قلبي بس ماوفت بحبها باعتني وتنازلت لكن الحمدلله على كل حال المهم ققررت اخطب وانسى كل الي حصل وابدا صفحة جميله لكن الغريب بالموضوع كل ماخطب ماتتم الخطبه وصار ابوي يتشرط اذا جيت اخطب ذولا مايصلحون ذولا فيهم يعني يعقد الموضوع انا هنا صرت اتذكر مواقف ابوي معي القديمه الي بمرضي وقسوته معي وتخليه عني وقت ماحتجته يوقف معي باعتراضي على البنت الي حبيتها وحبتني وتشرطه بعد كل الي حصل في شروطه باي ناس اروح اخطب عندهم وجفافه الي مستمر حتى الان معي صرت احسه مايطيقني وقمت اوسوس لكن اتعوذ من الشيطان واقول ابوي مهما سوا طاعته واجب يناس انا محتار مالقيت الي يفهمني ويحس فيني لا من اصحاب ولا من اقراب نفسي القى احد يفهمني اعتبروني اخوكم شورو علي علموني وش اسوي صرت شارد فكريا افكر هل البنات الي خطبتهن رفضهن لي عشان مرضي وحالتي الي عدت بطفولتي ولا وش بضبط سالتكم بالله يبنات لو يجيكم واحد بنفس حالي توافقن او ترفضن ابي اعرف ليش يحصل معي كذا لاني ماقدر ابوح به السوال لحد اعرفه ودعواتكم لي واعذروني كلامي مو مرتب واعتبروها فضفضه من اخوكم والشكوى لله بلاول والاخر واسف ع الاطاله دعواتكم اخوكم




المصدر...