انا مملكه من 5 اشهر تقريبا وأساس انا كنت رافضة هالزواج بس اهلي اجبروني عليه انا كنت رافضه لانه كانت عليه سمعه انه انفصل من ارامكو عشان حشيشه* وقبلت من بعد اصرار اهلي ان مايشرب وتاب وما عاد يمشي مع رفقاء السوء وهو يصير ابن اخت ولد عمتي من ام ثانيه المتزوج اختي** وبدت المشاكل من البدايه انه يريد الدخول بي واحنا تونا مملكين ولان اخوه دخل بخطيبته قبل الزواج فبدا ياخذ نصايح من اخوه ولما رفضت هذا الشي بدا يستخدم العنف والشده معي يقول لي اذا ماادخلك بك الحين ليله الزفه مابرحمك ولابصبر عليك ومن بعد هذي الكلمه نفرت منه وكرهته وعلمت اخواني بس سكتوا وقالوا مانبي ندخل حلي مشاكلك معه** وبدت المشكله الثانيه ان اخوه الثاني مسيطر على العائله كلها بحكم ان ابوهم متوفي وانا كذلك يتيمه وابوي متوفي* ومن وهم صغار وهو ابوهم وهو متسلط جدا ومسيطر على خطيبي وعلى تفكيره اختار لنا شقه في نفس العماره معه وانا رفضت هذي الشقه بسبب انه متحكم ويبغى نكون حواليه عشان يراقبنا و عشان يسيطر علينا ويتحكم في حياتنا كامل وخطيبي ماعنده راي الراي راي اخوه وامه واخته حتى يستشيرها في علاقتنا الجنسيه اني رفضت انه يدخل علي والحين هو يستخدم معي اسلوب الاجبار والتهديد والشده بقبول كل شي، أكثر من مرة افهمه والمح له انه هذي حياتنا الخاصة ولازم مايدخل فيها احد لكن لاحياة لمن تنادي.. ومو لازم يستشير احد في حياتنا وبعد اصراره اضريت اقبل بالشقه وحدده معه موعد زواج لانه يقول مايقدر يصبر اكثر واخر موقف الان حصل معه اني كنت رايحه معه نختار قاعه الزواج واخترنا وقال هو ماعنده فلوس حاليا راح يرجع لصاحب قاعه الزواج عشان ياكد الحجز واحنا في الطريق قلت له ليش مانروح نحجز القاعه وبعدها نتمشى على البحر مع بعض رفض وانا اصريت وصلني لبيت اهلي ورفضت اني انزل* فجاءه عصب ورمي جواله على طبلون السياره والجوال رجع علي في خشمي وسبب لي اصابه في الانف ورفض ينزلني بيتنا واخذني للمسستشفى ورفضت اني انزل وقلت له رجعني بيت اهلي وبعد ساعه من الإصابة ولفلفه في الشوارع رجعني بيتنا وعلمت اخواني وقالوا لي تطلقي منه اذا هذي بدايه وانتو مملكيه يضربك والحين انا قلت باخذ لي فتره راحه افكر فيها ارجع له او انفصل




المصدر...