السلام عليكم
مشكلتي هي عباره عن جرح كبير و ألم ووجع كان السبب فيه زوجي اللي حبيته
وبديته على روحي وحياتي في كل شي ..
رغم اللي صدر منه في حقي إلا اني مستحيل أنكر أن عشرته لي كانت بالمعروف
وكان يحبني مثل مااحبه ويحترمني كثير

لكن في لحظة غضب منه وعناد مني على كلمه والله ياجماعة الخير انها كلمه وحده
تعاندنا عليها وهو عصب وفقد اعصابه بشكل رهيب يمكن اول مره اشوفه بهالشكل
وانا الشيطان خلاني اعاند ومااحاول اني امتص غضبه واسكت
لحظتها هو دفعني بكل قوته وطحت على طرف السرير واجهضت اول حمل لي
بعد اربع سنين من الزواج 😓

يشهد الله عليه اني تمنيت لو روحي طلعت ولا صار هالشي
كانت فرحتي انا وياه بهالحمل فرحه بكبر الدنيا كلها

تعبت نفسيا وجسديا وهو بعد تأثر وتعب وبكى وندم
لكن صار لي شهر اتواصل معه من بعيد لبعيد وانا في بيت اهلي الان

اي صح انا غلطة وكان المفروض مااعاند لكن هو ايضا غلطه دمرني وموتني والله
جد تعبانه لا من الحمل اللي فقدته ولا من الضيقه اللي انا فيها
حتى امي مو قادره اقولها انه اجهاضي كان بسبب زوجي .. لانهم راح ينصدمون فيه


في داخل قلبي مو قادره اسامحه ولا قادره اشوفه او اتقبل ارجع اعيش معه
ماكرهته لانه عمره ماغلط في حقي لكن يوم غلط للمره الاولى ذبح الطفل اللي كنا نحلم فيه
ونفكر فيه من اربع سنين .

ياليت احد ينصحني يقولي شي ويرشدني لطريق الصح
تعبانه جد ومحتاجه لنصيحه من اخواني وخواتي هنا .




المصدر...