السلام عليكم اخواني واخواتي
لي 3 سنوات متزوجة و الان حامل ونفسيتي تعبانه
ابي أستشيركم في وضع صار بيني و بين زوجي
اولا احكي لكم حدث قديم ثم الجديد ،
القديم تناقشنا انا وزوجي عن الخصوصيه لكل شخص فينا
و انا كان كل كلامي اني مؤيده و اني لازم أعطيه مساحته
لانه ممكن عنده خصوصيات مع أهله مايبني اعرفها او خصوصيات في دوامه
او خصوصيات ماليه
فقالي انه ما يخبي عني اي شيء و لكن انا أخبئ عنه كثير
وبحكم ان شخصيته يحب يسولف ففعلا بعض الأمور يخبرني عنها و بعض الأمور يخبيها و اعرفها بالصدفه
و أنكر انه يخبي اي شيء مالي فقلت حتى لو خبيت فهاذي حريتك و انا ما أسالك عنها نهائيا فقط بسألك بالشيء اللي يخصني و انك ما تقصر عليه بشيء مادام امورك الماديه كويسه والحمدلله
لكنه رجع ينكر وينكر وينكر و انا متأكده انه يخبي عني لكن ما حبيت احشره كثير
و قلت ان اغلب الرجال هذا طبعهم يخبون امورهم المالية لكن انا ما أسألك فيها انا أقولك لك حريتك و خصوصيتك و بالمقابل لي نفس الشيء
فثارت ثائرته و تحول النقاش الى خصام
و بالرغم اني متخرجه وعاطله و لا املك ريال غير مصروفي لكن ماادري ليه زعل كذا
و سبق فتح لي حساب عشان لو احتجت شيء يحولي عليه و كان الحساب هو اللي فتحه ووقع بدالي و كل شيء
فعند النقاش قلت له انت الان حسابي هذا تحت تصرفك وطلبني فيه يستعمله للحوالات لانه يبغا يشتغل بالعقار و يخاف يحولون مبلغ كبير فيحققون معاه
فأنا رفضت يستخدمه الا بعلمي حتى لو وصل الموضوع اني اروح بنفسي استلم و أوقع و احول و كل شيء
هنا جن جنونه و قال ماتثقين فيني ودخلنا في نقاش حاد و كانت فكرتي انه انا لي للحريه الكامله بالتصرف في حسابي و من حقي ارفض او أوافق وانا كمان اخاف يحققون معي فيها
طبعا دخلنا في زعل و الى اخره وسكرنا الموضوع نهائيا
بعدها بسنه حسابي الثاني شكيت انه تجمد لأني من زمان مااستعملته و اخته تشتغل في نفس البنك حق حسابي الثاني فقالي أعطي اختي تخلص امورك
ورفضت بحجة انا ابغا اروح بنفسي ما له داعي تطلبها فرد علي ليه ترفضين و الا مافيه ثقه و الا ماتبغين تشوف وش عندك قلت له انا من حقي هالشيء و لي للحريه الكامله اني اروح ومسألة ما ابغاها تشوف اختك هل ترضى اني اشوف خصوصياتها واعرف وش عندها مارح ترضى اعرفها
و الموضوع ماله دخل بالثقة قالي تراها تقدر تشوف وش عندك بدون تروحين قلت اعرف و لو كانت نيتي كذا كان ألغيت الحساب من اساسه
المهم بعدها دخلنا في نقاش الثقه و بدأ يذكرني بالموقف الاول و بدأ بالهجوم
و انا أدافع عن نفسي و بدأ يقول الشرهه عليه انا كتاب مفتوح لك حتى اذا رحت البقاله عطيتك خبر و يتوعد انه يحرمني يقولي اي شيء و لا وين يروح ولا عن دوامه و لا لي حق اسأله نهائيا و هاذي خصوصيته مالي شغل فيها و يحلف انه يحرمني الين احس ايش معنى خصوصيه فقلت له كيف مالي حق انا مو كنبه عندك بالبيت وانا أساسا طبعي ما اسأل كثير ولا اضايقك و اعطيك حريتك اللي لك حق فيها لكن ما ارضى أكون مزهرية البيت فقالي لازم تشوفين التغيير و الله ما تروح ببساطه كذا ، وهو طبعه دائما يهدد وقت الزعل و يطبق نصفها ،
فانتهى النقاش بأني اطلبه يحسن الظن فيني و ما قصدي شي سيء قالي ترا الأفلام هاذي ما تمشي عليه و لا تمثلين دور البراءه و انا ماتحملت ظلمه دعيت عليه ان الله يحاسبك وبعدت عنه وسكَّرت وراي الباب بأقوى قوه و لحقني وقال ما بقى الا تضربيني و تكلم كثير ما رديت عليه نهائيا و راح و لنا أسبوع الان مانكلم بعض و يحاول يستفزني بالروحات و السمرات و لا يتغدى معي يروح ينام وحركات غبيه لكن خفف شوي اخر يومين و محتاره وش قصته معي هالآدمي ؟!




المصدر...