يا أهل الخير الحقوا علي وعلى أختي جالسة تنضرب وحنا ننظلم بسببها مع أنها مراهقه 18 سنة وأول جامعه
مع اني كنت احذرها وأمي صايحت عليها يوم درت ان عندها اولاد بجوالها وهدت فتره ولكن الصدمة يوم درينا انها
طلعت مع واحد , السالفة باختصار اخوي 23 كان عنده محاضره الصبح وراح للجامعه ثم رجع لأن كان ناسي غرض للجامعه
المهم شاف أختي راكبه مع واحد بسياره صغيره المهم انتبهت له ونزلت ورجعت للبيت المهم انها ضربها ومنعها من
كل شيء طلعه وحتى جوال والمشكله ان جوالاتنا حنا نحتاجها اخذها منا خاصة انا بثالث جامعه ومحتاجته حتى يوم طلبت منه
يقول لك ساعتين تسخدمينه وصار شكاك فيني وانا محتاجته عشان واجباتي وامور الجامعه مع صاحباتي وحتى ابوي ماقال شيء لانه
حصلت مشكله كبيره بينه وبين اخوي بالبداية لدرجة انه قال تراني ماني ولدك لو رجعت لها جوال . اختي الحين حذفت هالترم
لأن اخوي يقول ماراح تطلعين برا البيت وخايفه لا تسوي شيء بنفسها لانها شاطرة بدراستها وعيبها بس غلطة الطلعه واخوي صار
منجن وخايفه عليه بعد هو لأنه على وشك التخرج وتايه . المهم عطوني طريقة اعدل الأوضاع لأن أمي حتى ماصارت تروح
لخوالي ولا صاحباتها خايفه انه دروا بالسالفة . أعذروني مشتته لان اختي لها اسبوع بغرفتها ماتطلع وكله صياح وانا لاني
ماني عارفه اذاكر وانتبه لدراستي ولا اعرف اصلح الوضع فانصحوني جزاكم الله خير علما اخوي اكبر الأولاد والبنات
Hojd 'guj lu ,hp] ,hk;atj
المصدر...