السلام عليكم ورحمة الله وبركاته،
أخوي عمره 30 متملك من سنتين وزواجه بعد العيد إن شاء الله, الله يوفقه ويرزقهم الذرية الصالحة.
الوالدة تبي تشوفني متزوج قريب وتفرح بالمره فينا كلنا، قبل الخطبة كانوا يبون يخطبون لي معه أخت زوجته بس بينت للوالده إني مابي أتزوج الحين (عمري 24)
بعد السالفه هذي بأسبوع جات وحده بالخاص في انستقرام وتويتر وتسب في اللي بياخذ منهم اخوي عندي
وتقول لاتاخذ منهم وأنصحك تبتعد واخوك بيصير تعيس وإلخ من الكلام اللي يجيب الهم !
مارديت عليها لأن ذي السوالف والكلام مايجيب الا المشاكل ويمكن تستخدم محادثتي معها بشيء يضر أخوي وزواجه.
ماعلمت أحد بهالشيء بس للحين دايم أفكر بالكلام وكل يوم أقراه !
أخوي وظيفته أقل من متوسطه راتبه حول 5000 وأنا تكفلت بأغلب تكاليف الزواج له ومابي شيء يخرب في حياته بعدين وأندم أو أكون سبب في ذلك.
مع العلم قبل أسبوعين أبو زوجة أخوي كلمه إذا اخوك (أنا) يبغى يتزوج ترى بنته عندي ومثل مايقولون اخطب لبنتك قبل ولدك.
ع حسب علمي إنه بينهم مشاكل بين بعض في عايلتهم (أهل زوجة أخوي) وكثير الحسد بينهم علشان كذا مااستغربت من الرسايل اللي تجيني عنهم وتحاول تشوه سمعتهم وحنا نعرفهم ونعم! فيني شيء مو مريحني أبد باللي قاعد يصير وقلبي يقرقع أبي افضفض بس مابي اسوي شيء مااحسب حسابه وتطلع عواقبه وخيمه
نصايحكم ودعواتكم بالتوفيق
la;gjd ljugrm fHo,d ,.,h[i
المصدر...