السلام عليكم .. انا متزوجة صارلي 3 اشهر ، و ماني قادرة اتحمل ، بداية القصة اني انا و زوجي خطبنا 4 سنين بعد حب شهرين ، من اول ما عرفته و انا اكتشفت فيه مرض الشك و هذا الشي موجود في والده و اخوته كلهم ، كلهم يعانون من شك مو طبيعي و انا و حريم اخوته عندنا نفس المشكلة ، المهم من بداية ما عرفنا بعض و هو يقولي ابي اعرف كل شي صررلك قبلي و دايم اسئلته غريبة ، عمره احد تحرش فيك بطفولتك و ما دري ايش ، مع اني انا من عيلة محترمة و مربية احسن تربية و من امي تهتم فينا و ما خلتنا ابد حتى نعرف عن مثل هذي اشيا انا للحين بس اسمع قصص تحرش او غيرها قلبي يعورني و احس انه فيني شي انكسر لاني مو متعودة و هو يعرف هذا الكلام بس كان يسأل بكل الاحوال ، فيوم كنت امزح و قلتله ابن الجيران كان يحبني و احنا اطفال و يبون يزوجونا ، و هو كنه حد ضربه كف !زعل يومين و بعدها جالي يصارخ انه يبي يعرف كل شي عني و يهددني اني اذا ما قلته اهو بيعرف من نفسه ، و انا خفت ! قمت اقله ادق تفاصيل صارت لي و هي اشيا تافهة و صبيانية و احنا بدولة منفتحة شوية لكن اهو قام يصارخ و يسبني و انا كذابة و ما دري ايش و عشت انا وياه بداية خطبتنا بهذا الجحيم و يقفل جواله و ما اعرف اوصله و عشت حالة تعب نفسي والله و قعدت هالقصة سنة كاملة اذا مو اكثر كل ما يصير كويس يرجع بعدها يصارخ و يهدد شنو مخبية عني و انا بعدها صرت احاول اكسب ثقته و اسوي اللي يبي لاني احبه من كل قلبي و هو انسان كويس من كل النواحي الا هالناحية و يحبني و كل شي ، المهم صرت احاول معاه و حسيت اني غلطانة اني قلت له من البداية لاني عرفت و تعلمت اني لازم استر نفسي و خطاياي مو افضحها و انا افكر اني بكون صريحة و بخلي زوجي يثق فيني .. والمهم قمت اسمع كلامه فروحاتي و قعدتي و رفيقاتي و كل شي و ضحيت كثير من حياتي لين بدا يستجبلي مع انه حتى بعدها تيجي ايام يقلب فجأة لكنها خفيفة لكن دايم كان يحسسني اني مو اهل للثقة و دايم يطلعلي بقصة انه ما يبي يكمل معاي لانه يحس اني ابي احد افضل منه و ما يبي يظلمني و مدري ايش مع اني ما عمري حسسته بهالشي!! ... بعدها المهم قرب موعد بداية دراستي الجامعية و احنا جامعاتنا مختلطة فهو قبل الجامعة بيومين قفل جواله و ما يبي يكلمني لين اسبوع كامل من الجامعة بعدها بس كلمته قال اهو خايف من الحياة الجامعية و اني حالقى احد احسن منه و هو يبي يتركني قبل لا انا اتركه و انه اهو اصلاً ما يثق فيني !! قلت له شالهكلام و قمت اصالحه و مدري ايش لكنه اهو من سيء لاسوأ و يعاملني بقساوة لين طفشت منه و قمت ما احاكيه ولا ابيه و لا اسمع كلامه بقيت كذا لمدة شهرين بعدها حسيت بالذنب و رحتله قلتله ما اشتقتلي و مدري ايش و انت مزعلني و سايبني قام ينكر انه اهو ما سوالي شي !! و اني انا بعدت عنه لاني حبيت الجامعة و مدري ايش قمت انا اقنع فيه انه لااا انا واخدة على خاطري منك على تعاملك و هو يكذبني و يقولي اني ما احبه و مدري ايش و بقيت احاول اراضي فيه لين طفشت مرة ثانية و قلت له خلاص انا ابي اقعد مع نفسي افكر فينا و اخد قرار و هو وافق و قللي خذي القرار و قوليلي و انا بستناك ديري بالك على نفسك ، في هذي الفترة تعرفت على بنات كانوا معي بالمدرسة و هم الوحيدين اللي جو على نفس الجامعة قمت اجلس معهم و هم صراحة مو كويسين بس كل بالي تغيروا قمت اجلس معاهم و افضفضلهم و يهونون علي و قمت احبهم و اعتبرهم رفيقاتي بحق و حقيق لكني اكتشفت بعدها انهم يودوني للخراب ... فيوم كنت انا و وحدة منهم جالسين يقوم ييجي شب يسلم عليها و يحاكيها و انا جالسة و كذا بعدها راح انا خفت لاني مو متعودة اخالط شباب رفيقتي قالت لي انت شنو سويتي ما سويتي شي شدخلك قلتلها ما ادري خايفة ، و مرق اليوم و جاه خطيبي بالليل كلمني و يصارخ و يسبني ، الشب ذاك رايح قايل له اني اليوم جلست مع خطيبتك و رفيقتها حبيت اقلك لني ما بي اخبي عليك و دير بالك هالبنات مو كويسين ، و خطيبي بدا يسبني و مدري ايش و انا صابني انهيار و خطيبي بدا يتهمني اني احب هذا الشخص لكذا اهو الوحيد اللي خالطته و يتهمني اني ما صدقت انه بعد عني و صرت ادور غيره و مدري شنو و سب و قذف لين فتت المشفى من الصدمة ، بعدها طلعت رحت احاكيه و اترجاه افهمه و هو يسب و ما يسمعني و يقولي وطيتي راسي فضحتيني و ما دري شنو و انا هالكلام يذبحني والله ما كان قصدي كل هذا ما دري كيف صار كل هذا لكن ما اقدر انفي خطئي لكن خطئي مو الخطأ اللي يتهمني فيه ! و ما وقفت على كذا راح كلم رفيقتي و قام يسبها و اهلها عرفوا و قامت تصير مشكلة و مدري شنو و انا قدام اهلي قلت لهم اني انا الغلطانة و ما قلت لهم عن اللي سواه معاي لني ما بي اهلي ينفرون منه ، و بقيت بهالدوامة و المشاكل و البكى و المشافي و الحلفان و هو يقول انه ما يبيني و يسبني بعدها بيوم يقوم يحاكيني و يقوللي ليش سويتي فيني كذا انا حبيتك و احسه يبي يبكي !!! و انا هذا الشي موتني انا صح غلطانة غلط كبير لكني مظلومة بالاتهامات اللي اتهمني ياها بس قمت اترجاه لني احس بالذنب و ما بي يتوجع انا اخاف عليه من اي شي ، بعد ما مرق ع القصة 6 شهور و بدت عطلتي من الجامعة ( و هذا لعب دور كبير بانه شوي نسى القصة) و بقي شهر لزواجنا تصالحنا و مدري ايش و رجع مثل ما كان و كل شي كويس و تزوجنا و مستانسين و كل شي ، لكن من اسبوع بديت سنتي الجديدة بالجامعة و هو من وقتها مو على بعضه و جالي الجامعة من كم يوم و جلست معاه و كل شي!! فجأة قام يصارخ و يقولي مين هذا الشب اللي يطالعك هناك ! و انا والله ما شفته ولا اعرفه و قام يصارخ علي بين خلق الله ونا احلفله و هو يكذبني بعدها رحنا البيت اهو قاللي كل شي انتهى ما ابيك و طلع من البيت من وقتها للحين مدري وينه كلمته مرة قاللي انه ما يبيني و انه ما ازعل لنه اول ما اتطلق حلقى شب غيره ع السريع و ما دري ايش !!! يا ربيييي تعبتتتت شسوييييي قلبي يعورني العيد مو بعيد و الحياة مو بحياة تعبت ! تعبت اني عايشة مع انسان يلعب 24 ساعة دور الضحية و اني انا الشيطانة المو متربية والله تعبت شسوي انا احبه اكثر من ما تتخيلون و ادري انه يحبني ، شسوي ؟! محترة. و زعلانة، و كاسر ظهري وجعه مني و كاسر ظهري ظلمه لي زعلانة عليه و على نفسي ، تعبانة تكفون. شسوي ؟! بينا قصة حب جميلة ليش يا ربي توصل بينا لهنا ليش كذا صار فينا نفسي اقتل نفسي لاني السبب يا ربي انا كنت خبلة و ما عرفت اداري زوجي و طبعه صح ، و الحين كبرت لكن بعد شنو ؟! بعد ما تهدم كل شي يا ربي ساعدني و ريح قلبي ..




المصدر...