آلسـَلآم عليـڪـَـَم وَرَحْمــَـہ آللًـہْ ﯙبُرگـّاتہ

انا حكتب لكم مشكلتي واحاول قدر الإمكان اني أوضحها معليش حيكون كلام كتير بَـߊـسّ اتمنى انكم تفيدوني لاني منجد خلاص مني عارفه ايش اسوي ،،، اطلق من زوجي ولا اكمل ....
علماً اني صابره 6 سنوات

بداية انا ساكنه مع اهل زوجي بنفس الفلة كانو طوال خمسة سنين يضايقوني ويدخلو عليا فجأه ويتصرفو تصرفات مافيها اي احترام وكلها تعدي عالخصوصيه صبرت وقلت معليش
علماً انو اتفاقي مع زوجي كان بَـߊـسّ سنه ولكن سار يقولي ماقدر انقل وامي مريضه و كلام كتير
امه والله اني طيبة معاها وكنت دايما احاول اكسبها وهدايا وتفضفضلي لكن ماشفت منها الا كل شر تتكلم فيا عند الناس تحرض زوجي عليا قدامي والله اعلم ايش تسوي من ورأيا
مراقبه خرجتي ودخلتي جالستلي عالصغيرة والكبيره باختصار مره مضايقتني
لاأحد يقول امه وغيره ومدري ايش دا كلو انا اعرفو ،،، الْحٍمَدٍللـّہ اناا انسانه متعلمة ودارسة وراقيه وبتعامل معاها بما يرضي اللّٰھ لكن هي كرهتني كل شي ... خلاص وضحت دي النقطه مابغى اكتب مواقف زياده زي انها قبل مااتخرج شافت اوراق ليا عالطاولة واجب جهد ترم كامل والدكتور طالب يكون يدوي والله مسكتها وقطعتها وتاني يوم التسليم ....... جالستلي بحياتي بكل شي كانت تكب المويه الوصخه على تحت وانا منظفة
يعني ماادري ايش اقول وايش ابقي تتبلى عليا واقول معليش أجرك على اللّٰھ اصبري يابنت اصبري ربنا كريم بَـߊـسّ ماتكفي شرها عني .
واخته عاد مطلقة وجالستلي حدث ولا حرج تطلعلي مشاكل من تحت الارض وتحريييييض فأمها عليا لكن ربِي موجود ..

نجي للرأس الكبيرة زوجي .... شوفو امانه وصراحة انا لو مااحب دا الانسان ومتأملة فيه خير ماكان صبرت 6 سنوات عالشقى دا والله من عمري 18 سنه وانا صابره ومتحمله وهو عارف وشايف بعيونه وساكت مايبغى يتدخل ومايبغاني ادافع عن نفسي ... دحين اللي صار يقولي دافعي عن نفسك

زوجي عنده مشكلة بالخلفه مايخلف .... المشكلة مو هنا
المشكلة انه مابيتعالج ولا بيجتهد فالموضوع ابدا ابدا .... وانا بصراحة ابغى اشوف خلفتي من حقي الطبيعي

يعني انا عايشه والله عيشة ابدا مو طبيعيه .... لا خلفة لا بيت لا استقرار لا راحة مره بزياده
هو كان طيب معايا بَـߊـسّ والله دحين لو ابكي مايعبرني لو ايش
علما اني ابدا ماني زنانه ولا كثيره تشكي ....

لكن مثلا حاطلي 8 قطط بداخل البيت ياجماعه ريحة ووصاخه بيسوو فكل مكان وانا بَـߊـسّ انظف وراهم
اتكلمت معاه كم مره مافي فايده
ماسرت انظف مافي فايده الين اقرف والله خلاص مني قادرة اتحمل وارجع انظف
خرجت من البيت
خرجهم ورجع جابهم لما رجعت متخيلين؟

لسا قبل كم يوم اتفقنا واتفاهمنا ودعكت البيت والله تعبت اتهديت حتى الجدار لمعت الدنيا تلميع
خلاني اخلص كرف ودخلهم تاني
لا ويجي يتكلم عن ترتيب ونظافة ولما ارد عليه واقولو انتا السبب واتكلم معاه يعصب ويقولي تحبي المشاكل .

اقولكم اتهلكت مني عارفه ايش لازم اتحمل
علماً انو والله اهتم فيه واداديه واشيلو من الارض شيل لو تشوفو كيف ادلعه واهتم
بطلت ليا دحين فتره لان هو مو مفكر فيا حسيت اني معطيته بزياده

والله انا مني عارفه اوضح المشاكل بالضبط من كثرتها

مثلا مايجلس معايا الا والجوال بيده 24 ساعه اصحى من نومي عالجوال نجي ننام عالجوال نروح مطعم عالجوال فالسياره عالجوال نسافر عالجوال كل شي عالجوال
اتكلم مع نفسي واجلس مع نفسي وعايشه مع نفسي
والله اوقات احس نفسي كاني مجرد شغاله

حتى بالعلاقة بارد ولا يجيني والله ياجماعه شي لايطاق مدري ايش اوصل وايش اشتكي ترى مره كثير كلام مني قادرة اجمعه

بَـߊـسّ مره طولت فراح اختصر واقفل الموضوع .... وانتو انصحوني نصيحة بعيده عن المجتمع وتفكير المجتمع نصيحة تفيدني انا وتساعدني لاني والله سرت نفسيه مره مني قادرة اتحمل تصرفاته ولا تصرفات اهله
وترى لو تقولو انقلي بننقل على اساس كل مره نجي ناقلين يبطل فجاه ابويا امي مدري ايش علما ان امه مثلا ماتبغى ولدها ولا مرته ولا عياله يباتو عندها فوق عشان لايخربو بيتها
تقوم تخليهم يجو عندي وفجاه بدون علمي ماتفكر اني خارجة او مسافره او مريضه او بيتي يخرب بالعكس تتريق عليا .

لحد يقول خلي زوجك يكلمهم لاني قلتلو بَـߊـسّ مايبغى يكلمهم عشان لايقولو عنو ورى حرمته ومن دا الكلام
علما ان شايف الظلم والتعب وقلة التقدير اللي بتحصل .

دحين بيقول ننقل ومسوي نكد عليا وفجاه يقول ايش اقول لابويا ،، مايبغاني انقل ..
طب حياتنا خصوصيتنا خرجاتنا دخلاتنا كلامنا كل شي مسموع ومراقَب وياريت تسكت لاء تقول للناس وتقول بوجهي هلكتني

اتمنى تنصحوني نصيحة بالشيء المنطقي .
هل اكمل حياتي مع الانسان دا والله مستهتر بكل شي
حتى رساله حلوه ارسلها له او رومنسيه مايرد عليها وان رد اقول ياريت مارد من قوة برودة
بَـߊـسّ بنفس الوقت قلبه طيب عشان مااظلمه و في اكيد نقاط حلوه .

وشكراً .




المصدر...