السلام عليكم
انا ام ل4 بنات اطفال
عمري 36 سنه
بناتي جبتهم ورا بعض بدون استراحه بناء على طلب طليقي
اهلي وخواتي وقريباتي وصديقاتي قالوا تطلقي من زوجك
سبيكه وغبي وطيب ويصدق الكذبه حتى لو انه صاروخ
طبعا انا الي عطيتهم هذا مجال
قلت لهم مره قلت لزوجي ان اختك فلانه تكلم شباب وصدقني
وراح بيتهم وضربها بدون مايسالها.
ومشت عليه كذبه
وقلت لهم اتبلى على زوجي انه ضربني وهو أصلا ماضربني
وغبي يعطيني رضاوه 50 الف ومعها هديه جوال وباقه ورد
طبعا هالفترة الي ذكرتها كانوا يجوني قرايبي وخواتي باستمرار
ويلحون علي اتطلق وفيه من قريباتي قالت تطلقي وازوجك اخوي
طبعا بعد ماكرهت زوجي وارسلت عليه بنات واتساب وغيره علشان
أدور اي حجه لطلاق وقلت لااهلي انه خاين وأبوي واخواني صدقوني
وتطلقت ومحد زارني بيت اهلي ولا اتصل وين ذولاك حريم متجمعات
على طلاقي ؟! يوم صار صدق اختفوا !!
واتساب حقي كان 24 ساعه رساله والحين هدا!!!
وبعد ما انتهت عده طلاق حضرت زواج من جماعتنا وشفتهم هناك
جيت اسلم عليهم صدوا مني ..
سألتهم وش فيه
قالوا مانبي مطلقه بينا قلت انتم طلبتوا قالوا يوه فكرنا طليقك خروف
وراح يتمسك فيك ومايعيش بدونك
قلت والعريس الي وعدوتي ياه قالوا يوه صدقت الخبله
والله لحضتها ندمت وصدق طليقي يوم قال بس بيخربوا بيتك ويغيروا وجهتهم
والله قلبي بيتقطع على بناتي ماراح يعيشون الاستقلال ودلع الأولي ..
كل ما اطلب ابوي واخواني فلوس يعطوني بحسره وقطاره
وخواتي كل ما اطلبهم شيء قالوا ترا زهقتينا فلان( طليقي ) ماندري كيف كان مستحملك
مالحل يااعضاء منتدى ؟!
دلوني الى صواب ؟!
rhg,h j'grd lk .,[; ,d,l j'grj !?
المصدر...