السلام عليكم ورحمة الله موضوعي طويل وشوي ملخبط
انا بنت عمري 22سنه ما امدح نفسي كثير جميلة الحمدلله محافظة على صلاتي من عيوبي اخلاقي زفت لما اعصب ولساني يقلب سليط لكن قلبي طيب واسامح لو بجد حسيت الاعتذار صادق ملكت قبل سنه على شخص مطلق قبلي من ملكة يعني ملك على بنت الناس وطلقها لاكتشافه انه البنت مامعها شهادة الا ابتدائي طبعا كان مملك 7 اشهر عليها مما اثار استغرابي لما خطبوني امه واخته طيروووه السما حالهم حال اي ناس يمدحون ولدهم لكن ما ارتحت للام واخته سبحان الله قلبي قرصني وصليت استخاره وكنت في قرارة نفسي مو رافضه الولد رافضه فكرة انه يكون مطلق قبلي لاني بنت مو متزوجه وهو اول شخص بحياتي وافقت وتتممنا كل شي الولد شكاك عيوبه اكثر من مميزاته مع ذلك من ملكت عليه ماعنده هرجه الا امي واختي واهلي والا اهلي لدرجة غثتني منه هذا غير انه اخلاقه شويه وعصبي ويعاند كثير وامشي واوقات اعانده لانه طفح فيني الكيل يعني والله عجزت معاه كل سالفه اقوله ياولد الناس افهمني انا ما اعاندك ويعاند حسيت انه ماحبني الله اعلم لكني بشهادة الكل جميلة واجمل من طليقته لدرجة اهله واخواته يوم الملكة بس يقولون ماشاءالله جميلة والولد احسه مو مصدق ماعرف ايش السبب انه مذهول وساكت لدرجة ماسلم علي يوم دخلنا غرفة التصوير ماسك وجهه ويطالع فيني صابتني صدمة من ردة فعله خفت لكن من يوم ملكتي امه غارت مني يوم انزفيت معاه وجلس يضحكني ويمزح معاي وانا اضحك على كلامه ونكدت فرحتي امه يوم وصلنا الكوشة سوت نفسها زعلانه انه نسي يسلم عليها بسببي تخيلوا ! انا امي ماسلمت عليها ومع ذلك صرخ علي وسار يأشر بيده قدام سلفتي واخواته عشان امه وكنت ببكي مسكت نفسي وسكت ومشيت الموضوع وبعدها تهاوشنا وطول ملكتي معاه مشاكل ودموعي تنزل واصبر واقول لعل وعسى ربي يغير حالنا ويفهمني انا ما انكر وابرر لنفسي في مواقف انا غلطانه فيها مثال ( يوم اختار قاعة الزواج ورحت وكانت جدداً سيئة لدرجة قلتله ياولد الحلال لو قلت لي كم ميزانيتك بالقاعه وانا وانت نختار اصررر على رايه وقلتله انا مارح انزف واضحك الناس علي بهذي القاعه وقال لي انه العربون مايرجع غلطت واتصلت على راعي القاعه بنفسي وسألته 🙈طلع راعي القاعه يعرف زوجي وقاله حرمتك اتصلت تسأل اذا انا ارجع العربون او لا واتصل زوجي علي وكنت برا وجلس يصرخ علي بشكل هستيري وامي واخواتي انصدموا ايش سار ليه كذا يصرخ وانا كنت مصدومة منه قمت ارقع قلتله كنت بكلم الرجال انه ليه مو من حقه مايرجع العربون خلاصة الموضوع جلست اضحك انا لاني اكتشفت انه غيران ليه الرجال سمع صوتي وزوجي طرطع قال تضحكين وهو مرره معصب وقفل بوجهي السماعه ...انتهى الموضوع سار زواجي بقاعه ثانيه وعلى اختيار اخواته كيد فيني وعلى فكرة وقت الزيارات يوم يجيني مايكشخ ابد وانا استقبله بأفضل شكل واستغرب البلوزة يلبسها اكثر من مره بزيارتي تخيلوا بخيل مايجيب هدايا اول زيارة بس جاب لي هدية الباقية لا لين يوم انهرت وجلست ابكي ابكي وقلت لاهلي بتطلق منه خلاص كرهته والله والحق ينقال الولد يجي يزورني كأنه مغصوب مكتف يدينه مايتكلم غير يسولف وينتظر اهلي يخلونا وياخذ راحته لدرجة سارت اشياء ادري اني غلطت اني اعطيته بزيادة لدرجة ربي يشهد انه ينزل علي وعلى طول يطلع من بيتنا ماقلت لا لامي ولا لاهلي انه يسوي كذا ويسوي علامات حتى بشفايفي لين امي تكلمت علي وخاصمتني قالت تكلمي معاه انه عيب كذا في بيتك خذ راحتك وكلمته وخف الحمدلله بس لين تزوجته اكتشفت الرجال ضعيييييييف شخصية حتى ماله راي كل شي يمشي مع اهله وامه لدرجة السياره تبنشر يتصل بأمه يقول الحقيني ههههه انجلطت وانا معاه غير انه بخيل عاطفياً حتى الفراش زي المسلمين مافيه يخلص ويتروش قبلي كنت احسب الوضع طبيعي لما سألت وحده اثق فيها قالت لا غلط يمكن مايعرف رسلتله رسايل ثقافه جنسية ماتعدل الوضع بالعكس وسرت اطفش يبيني بس اجلس في البيت ما اطلع الا لاهله واهلي اموت جوع عادي لدرجة مره تهاوشنا عشان اكل !!! وقالي حسبي الله ونعم الوكيل فيك طفحت السم عنده جلست متزوجه شهرين ونص بس تخيلوا بعدين سارت مشكلة بيني وبينه ورجعت لاهلي وطلبت الطلاث رفض يطلقني وقدم فيني دعوة ارجاع زوجة يعني يبي يرجعني غصب بالاكراه تحملت فقره ما اقدر اتحمل اسلوبه يصرخ ويخاصم كأن لنا سنين متزوجين حتى اللي لهم سنين مو كذا والله وسارت جلسات بالمحكمة وعلمت الشيخ كللل شي وهو زوجي انصدم كيف اقول كذا حتى الفراش قلته والشيخ انصدم من جد وقال لنا صلح فراق قلت موافقه ورفض هو يقول ترجع قاله ماتبيك مصر لين طلعنا بعدها بكم شهر ابوه كلم ابوي وابوي قاله انه ولدك مايستحي وانه مو كفو زواج وتخاصموا وقاله اعطونا ورقة بنتنا وطلقني انهررررت بكي مو مصدقة حتى لو الطلاق برغبتي اني بتأثر كذا اتذكره بكل شي مع اني اكرهه من تعامله تجاوزت هذي المرحله بالتقرب من الله وصديقة امي قالتلي انتي جميلة وماتخافين ربي يعوضك افضل منه بس اللحظات الحلوه عمري ما انساها لساعني متأثره وكل شوي احلم فيه للمعلومية يوم اني زعلانه عند اهلي ماكلف نفسه حتى يرسل لي رسالة اعتذار ابدا بس رساله انه زي مابعتيني بعتك وما ارسل شي بعدها حرق قلبيي يتهمني اني كنت زي المجبورة عليه مع انه العكس والله وقالي رجعي كل شي مهري يعني قصده يكسرني انا في غنى عن هذا كله بس كيف هنت !؟ كل هذا عشانه ضعيف شخصية كلامي اللي اتكلم معاه يروح يقول لاهله وصلت فيه والله ماظلمته يعلم امه متى تجيني الدورة عصبت عليه وخاصمته وقلتله عيييب والله عيب كذا الان انا متطلقه وخلصت العدة لكن امي واخواتي مايون الناس تدري يعني عايلتنا والعالم ماحد يعرف لين اتزوج مره ثانيه وكأني ماتطلقت لكن انا تضايقت قلتلهم ليه نخبي ماسرقت والطلاق كان برغبتي وفكرت اني كذا بوقف نصيبي لو ماعلمت عايلتنا ومو عيب الموضوع لكن امي واختي مصرين انا محتارة ومو عارفه ايش اسوي غير اني محروق قلبي منه حتى رسالة ما ارسل لكن حسبي الله على امه واخته ظلموني ادعولي وقولوا كلمة حق وجاءً




المصدر...