السلام عليكم ورحمة الله
انا شاب متزوج من خمس سنين وعندي طفلين وحالتي المادية ممتازة ولله الحمد
مشكلتي اللي اعاني منها من اول زواجنا انه زوجتي كثيرة النقد
والمحاسبة
وايضاً الحياة بالبيت هي المتحكمة فيها وراح اشرح هالنقطتين :
1- كثرة النقد
والمحاسبة ، يعني لو اجي متأخر من دوامي خمس دقايق تقول ليش
تأخرت اليوم ؟ امس جيت بدري ؟ وين كنت رايح ؟ اكيد رحت لك مشوار .
مثال ثاني ، اذا شافت عطوراتي ماهي مرتبة ( لأنها تحب يكون لها ترتيب خاص ) تنتقدني ليش مخرب
ترتيب عطوراتك ، يعني بالمختصر اغلب اليوم يمر علي بالنقد ،
ومرة نزلت مطعم اطلب عشاء وخلال انتظار الطلب كنت اطالع الجوال وهي بالسيارة تشوفني
ارسلت لي تقول سكر الجوال وانتبه لرقم الطلب حق العشاء .
طبعاً قمة سعادتها لما اجي انام بالليل اول ما اقعد على السرير تبدأ تحاسبني
عن كل شي صار اليوم ولو شي بسيط جداً ! ليش تأخرت ؟ ليش ما قلت لي كلام حلو ؟
ليش ما جبت لي الغرض اللي انا موصيتك عليه ؟ تذكر يوم تسوي كذا ؟ وما عندها مشكله تفتح
ملف اي مشكلة قديمة واعادة النقاش فيها . صرت اكره فترة النوم .
النقطة الثانية اللي انا متضايق منها تحب السيطرة والتحكم الصارم بالبيت صار البيت كأنة ثكنة عسكرية
النوم بمواعيد دقيقة والاكل كذلك والطلعه والدخله كذلك ممنوع علي اطلع لمكان الا بإذنها
جو البيت صار كله اوامر ونقد ومحاسبة وزعل صار البيت كله جحيم .
قبل امس كنا طالعين من البيت نبي نركب السيارة ويوم ركبنا السيارة قالت ليش السيارة
فيها غبار من برا ؟ اخذت نفس عميق وقلت لها اليوم بغسلها ! بس ممكن اطلب منك طلب ؟
قالت وشو ؟ قلت وش رايك اليوم توقفين نقد ومحاسبة اعتبريها اجازة قامت وزعلت وللحين ماتكلمني
بالله كيف التعامل مع هذي الزوجة ؟؟
.,[jd ;edvm hgkr] ,hglphsfm
المصدر...