السلام عليكم ورحمة الله
عمري 23 عمر زوجي 29
تزوجنا زواج تقليدي كان واضح بالملكة انو مافي توافق ولكن استمريت بالزواج
من يوم تزوجت طلبت الطلاق كثيرررررر وهدي المره رحت لاهلي من شهر و طلبت الطلاق و لما جا حزنت عليه وقلتله طيب برجع بس اديني وقت
ولما قعدت شوي كم يوم رجعت رغبة الطلاق مع العلم هوا مرره مايبي يطلق
الاسباب :
-مانتكلم مع بعض ولا في نقطة حوار ( لما اتكلم وافتح مواضيع مايرد حرفيا مايرد ولا بكلمه الا نادرا نادرا ) إذا تكلم ف عن بنتنا او تنظيف المنزل
-العلاقه الجنسية ضعيفة جدا من ثاني سنة بزواجنا لو ما اقرب منه عااادي يجلس شهر او شهرين ولا يقرب لازم ابدا انا
-غير ملتزم بوظيفته الي اصلا راتبها قليل و بس يغيب ويجي الراتب 1000 بدل 5000 كل شهر لو داوم كويس يجي 2000 طبعا يخصمو عليه من الغياب
-خروج خارج المنزل بشكل كبير مع اصحاب وضياع وقت
-لما يزعل يجلس شهر زعلان او مده طويله ولا يحب نتحاور و نقفل المواضيع
-ما احس لي وجود قدامه مهما صارلي احداث بحياتي فرح حزن آو لبست او مالبست مافي اهتمام ابددددددددا احيانا احس اني شفافه قدامه
الايجابيات :
-مايأذيني بالقول ولا بالفعل ( صنم بالبيت )
-مايقصر بالبيت ( الاكل والشرب واللبس )
-يساعدني بالمنزل و بنتي احيانا
الامور الي تضايقه مني اني ماكنت اعرف انظف كويس ولا اطبخ كويس ولما صرت اطبخ كويس وانظف كويس برضو ماسك عليا الموضوع لكن ماقد اشتكى من شي تاني
طبعا تكلمت معه كثير بالموضوع واي موضوع مضايقني تكلمت معه كثيرررر يا اما مايرد يا اما يقول انا كذا تقبليني زي ماا انا
الموقف الي وصلني حدي .. كنا ليله العيد وكنت اجهز السفره للفطور وفجاه جاء وقال طالع لاصحابي عشان المبااراه
طبعا انصدمت وقلتله والفطور ؟ وليلة عيد ابا منك اشياء قالي مو انتي تحكميني وطلع
انا سكت و قعدت انظف البيت واجهز للعيد و ماجا غير 2 الليل وو وجهه مقلوب لكن استقبلته بهدوء و قلت ليله عيد لا تخربين عليكم
و اعطيته هديته و روق وبعدها قضينا يوم العيد بين الاهل و من بيت لبيت لما رجعنا البيت الساعه 1 الليل
كانت بنتي تعبانه و تكح لبستها بلوزه فوق بلوزتها قام يقولي لاتلبسيها بتصير حرانه قلتله تعبانه ماتشوفها ؟
لو سمحت سيبني البس بنتي .. قام طلع من البيت و ماجا غير 9 الصباح الليوم الثاني
بعدها اثر فيني الموقف كثير من طلعاته الي حتى ليله العيد و يوم العيد و مرت ايام العيد مع الناس والاهل وانشغلنا ولكن كنت مضغوطه منه من تجاهله ومن عدم احساسي بوجودي بالمنزل
للامانه 3 سنوات ماعمري رفعت صوتي و وقت الغضب كنت اسكت ولكن هدي المره انفجرت وصرت اعصب واصرخ على كل شيىء وقتها صارلنا شهر بدون علاقه و بس يطلع و مضغوطه مره
ف بعد 20 يوم من العيد ومشاكل بمشاكل عدت يومين هاديه مرره بيننا مافي تواصل بس مافي مشاكل .. رحت وديت بنتي عند ماما
وقلت خلينا نتفاهم .. جلس ساكت .. قعدت اتكلم فوق نص ساعه .. جلس ساكت انا انهرت وقمت اخذت نفسي وطلعت قدامه وماقال ولا كلممه
بعدها جلست شهر عند اهلي وكلمته قلتله يلا طلقني قال لازم نتفاهم و جا و قعد يقولي كل شي يتغير و بتغير ووووووو
قلتله كنت عندك بين يدك حاولت صبرت سكت يقولي اصبري بس طلاق لا قلت ليه قال حرام نهدم بيتنا وحياتنا وبنتنا
قلتله مافي حياه اصلا بيننا كانت وتكلمت عن كل شي يضايقني
يقولي انا كذا طبعي ومره يقوول بتغير المهم اثر عليا وحزنت عليه و قلت طيب بشيل الطلاق من بالي
صار يكلمني ويحاول يجي ولكن عدا اسبوع تقريبا او اسبوع وشويا واحس رجعت رغبتي بالطلااق بشده
احس لو عشت معه ممكن اظلمه واظلم نفسي لان مافي احساس ابدا
وغير انو ظالمني ب عدم جلوسه و عدم العلاقه الجنسيه وو
انا ليه حزينه عليه .. لانو انسان مايجمع فلوس و اهله زوجوه دفعو حق العرس والمهر وشهر العسل
ف دحين لو تطلقنا ماحيزوجوه تاني وانا مابغا يضيع او يحس انو مجروح
قلتله اخر مره خلاص ننفصل و تشوف حياتك مع وحده غيري قال ماحتزوج ماعندي فلوس و لما يتكلم يقول نرجع عشان البيت و بنتنا مايقول عشانك
نفسي ننفصل بتراضي و يشوف حياته مع وحده تناسبه و انا مايهم اتزوج او اعيش لبنتي بس الي يهمني اني الان مرتتتتتتاااحححححه وانا بعيد عنه والعيشه عند اهلي تجنن
ابغا اسيبه بس بنفس الوقت مابغا هذا القرار اظلمه فيه ف ايش رايكم ؟
hfyh hj'gr ,p.dki ugdi !
المصدر...