السلام عليكم ورحمةالله وبركاته
انا متزوجة من ستة سنوات عمري 26 سنة .. شخصيتي يطبع عليها الهدووء غالباا ..مشكلتي مع زوجي عصبيت الزااايدة من اتفه وابسط الاشياء ..والسبب امه شخصيتها نفس شخصيته فتطبع بطباعها بما انه اقرب واحد لها ..المهم عصبيته ومزاجه الحاد خلت مشاكلنا متفرعه حييل .. طبعا هو مايبان عليه كذا ابد باستثناء الناس القراب له .. والمشكله اني مااحب جو المشاكل احس بتوتر فظييع لما نكون متهاوشين .. وعصبيته تكون في انه يصرخ علي باعلى صوته وممكن يزودها ويغلط بالكلام لما حزمت موقفي معاه في السب والشتم بطل لكن يظل يرفع صوته لدرجة كل من في العمارة يسمع صراخه وممكن يكون السبب لاني مثلا ماسويت الطبخه زي ماهو يحبها او لاني شايفه بنتي تصيح واكون مشغولة ولا اشيلها او لاني باقي ثوب ماكويته وهو مسكت معاه يبيه حالا يعني اسباب تاااافه او احيان لما اتصل عليه واقوله يجي يوصلني مكان اجلس بالساعتين انتظره اذا رجعت اتصلت اشوف يوم اغبرر ..بحكيلكم كم موقف وابيكم توعوني مين الغلطان فينا .. جينا بيوم قلتله بروح لاهلي الصباح لانه عندهم عزيمة وابي ارتب كم شغله من بدري قالي ان شاءالله ونطلع الصبح وادق باب اهلي ومحد يرد وقفت حوالي خمس دقاايق بالضبط تدرون ايش سوى نزل من السيارة وجرني من عباتي عشان يدخلني السيارة والشارع كان ملياان عمال صار الكل يطالعناا وقلب الدنيا على راسي وانتي ماتفهمين انا ماني سواق عندك وعند اهلك عشان اجلس انتظرهم يفتحون وكلاام ماله داعي ولا خلاني احضر العزيمة يومها جلست اسبووع وعليها مااكلمه ولا جيت اساله مايعطيني مجال اتكلم وبعد ذا كله عرف وحس بغلطه وصار يسوي اي شي عشان ارضى طبعا لا يعتذر ولا يتنازل يعترف بغلطته بس يجلس يقولي يلا نطلع او بوديك تكملين اغراض البيت او يجلس يسال وش ناقصنا ..بس يجلس جرح بقلبي اني انهنت قدام العالم..موقف ثاني قبل فترة رايحين نزور ناس واحنا نازلين الدرج بنتي تعنقلت وطاحت ماصار شي كايد الحمدلله بس هي من الفجعه بما انها طفلها جلست تبكي جا دفني من كتفي ويصارخ على اساس انا طيحتها ..بس تدارك نفسه وجلس يقولي الله يهديك بس انتبهي مرة ثانية وبكل هداوة .. الشي الايجابي انه احيااانا وليس دائما يحس بغلطه ويقولي والله ندمت وقتها لما نتصالح ..بس انا تعبت منه ومن مزاجه كل يومين البيت صراخ وزعل حتى بنتي صارت تتاثر وتزعل علي .. غير كذا بخييل بوقته وبماله وبنفسه ابد مايعطيني مصروف الا بالاعياد وكثير اشياء تنقصني يقولي موب لازم راعي ظروفي وهو الحمدلله مقتدر ويقدر ..اهلي حاسين بوضعي ومتحسفين علي ودايم يقولولي معليش ربي يهديه لكن مايبون يتدخلون لاني انا ماطلبت منهم ..يمكن انا عطيته مجال وكنت اطوف وارضى بس لاني مسالمه وابي على قولهم الحياه تمشي ..الحمدلله علاقتي بربي زينه وماا ازكي نفسي ودايم ادعيله بس تعبت نفسيا من قل اهتمامه ومن تهميشه لي طبعا احنا الوحيدين بالعايله اللي لا نطلع ولا نروح ولا نجي مثل العالم ناادر لو مرة طلعنا غيرنا جوو انحرمت من ابسط حقوقي معاه وهو المصروف ..اللي يصبرني احيان انه يحبني ودايم يقولي ليت كل الحريم مثلك ..طبعا كان ضااعوو بسبب طيبتهم وحنيتهم الزايدة ..انا كل تفكير ببنتي ماصرت افكر بنفسي اخاف اروح لاهلي اشكيلهم وهو يعاند ويزعل ولا عد يعبرني ..ماابي افكر بالطلاق نهااائيااا لاني مابي بنتي نفسيتها تتشتت او تتضايق ..انا الحمدلله مو قاصرني شي ولا مقصرة معاه بشي بس هو على قولته انا شخصيتي وطبعي كذا .. اللي خلاني اجي واكتب مشكلتي اخر موقف صار يمكن يكون تافه لبعضكم لكن انا وصلت حدي فيه ..اللي صار اني كنت عند اهلي جلست كم ساعة وبنتي طفشتني تعبانه وتبي البيت اتصلت عليه قالي جاي وجلست انتظر سااعه ونص وانا مابين بيتي وبيت اهلي الا دقااايق .. وارجع اتصل مايررد ابد قمت لبست عبايتي وشلت بنتي ورجعت البيت مشي لاني خلاص كنت وااصله حدي ..تخيلو اني اروح افتح الباب والاقيه مشغل التي في وقاعد يتفرج اول ماسمع صوت الباب قاتم فز ولاقيته بوجهي ووجهه مقلووب وجلس يصارخ انتي هبله ماتفهمين خلاص مارديت عليك انثبري عند اهلك لين اجي هذا كله وانا اشرحله ان بنته تعبانه ولا معطيني اهتمام وجلس يقولي انا موب سواق وقت ماتتصلين اجيك انا اللي كلمتي تمشي وانا وانا ومن هالكلام ومدري وش كان يهبب مالقيت شي ورااه بس ادرري اني لا فتحت جواله بلاقي بلاوي بس ماابي افتح على نفسي باب انا بغنى عنه .. صراخه وترني وانهرت جلست ابكي على حالي وهو طلع وطنشني ..لنا الحين 4 ايام من هالسالفه انا صرت افكر جديا اروح لاهلي واللي يصير يصير ..بس كل خووفي انه يطنش ويعاند ويطلعني غلطاانه .. سؤالي للرجال اذا زوجتك طلعت لبيت اهلهاا بسببك وش بيكون موقفك !! هو دايم يقولي تطيح من عيني الحرمة اللي تروح تتشكى لاهلها ومن هالكلام وطبعا يحاول يجس نبضي
. المهم وش تنصحووني فيه تعبت وجاني القولون من كثر مااكبت بنفسي وازعل ..
la;Jgjd | uJwfdm .,[d ,wJvhoJi hglj;vv ?
المصدر...
آخر مواضيع المنتدى
17th December 2015
مشكـلتي | عـصبية زوجي وصـراخـه المتكرر ؟
تقرأ وترحل شارك معنا برد أو بموضوع
العرض العادي
