وعدني ولم يفي بوعده!!!

وعدني ولم يفي بوعده!!!

السلام عليكم ورحمة الله وبركاته
متزوجه من عده سنوات وعندي 4اطفال ساكنه مع اهل زوجي ومشكلتي ضيق المكان فهو لايسع حتى لان نجتمع انا وزوجي والاولاد ونأكل مع بعض من ضيقه وحدثت نقاشات وعده امور بيني وبين زوجي بالنسبه لموضوع الخروج من منزل اهله وكانت تنتهي بان كل واحد متمسك برايه زوجي يشوف انه بجلسته عند اهله بهذا الضيق يجمع للمستقبل وانا اشوف ان من حقنا نعيش ايامنا ومستقبلنا قاعدين نعيشه فإيش فائدة الاموال واحنا مش مرتاحين بحياتنا من 7 شهور تقريبا انفتح هذا الموضوع بسبب ان أخوه الكبير يسكن معنا في البيت وعنده 5 اطفال ويعاني من الضيق ولايستطيع الخروج لانه ببساطه يعمل بوظيفة بسيطه وراتبها قليل فتكلمت مع زوجي وركزت على هذه الناحيه ان بيتكم صغير ومايوسع عايلتين وككمان امه واخوه اللي مش متزوج عايشيين في البيت
فقلت له وسع علينا بشقه ايجار وخل اخوك يوسع على نفسه ويفتح الشقتين على بعضهم واهو يرتاح واحنا نرتاح
ووعدني بوعد قاالي خلال هالسنه لو ماقدرت اخذ قرض من البنك عشان اشتري دبلكس جاهز( لان شركته رواتبها عاليه لكن مش متعاقده مع بنوك عشان القروض العقاريه ) فراح اطلع ايجار وبدل ماأسكنك بشقه ايجارها بسيط راح اسكنك في اغلى الشقق واكبرها قلت له طيب وش يضمن لي ماتغير رايك قالي احنا مش اطفال وخذيها كلمة رجال مني خلال هالسنه برتب الوضع )هذا كلامه لي بالضبط الحين مشت 7شهور ومن يومين بس لمحت له ان الايجارات نازله ووريته رساله وصلتني بالواتس عروض ايجارات فجأه تغيرت نبرت صوته وقال احد قايللك ادور شقه ايجار !
رسلي هالرساله للي يحتاجها انا ماني قاعد في الشارع عشان اطلع ايجار ( واهو من كم اسبوع قال لي ان موضوع القروض ماراح يتم اصلا )جاتني نوبة بكاء دموعي تنزل وانا مش قادره امسكها
وصار لي يومين ماأتكلم معاه رسميه جدا واهو عارف السالفه وقالي البارح قبل لاينام انتي جالسه معاي عشان المصلحه ولو مالقيتي مصلحتك احتمال ماتعيشين معاي!
سكني اللي هو واجب عليه بقدر استطاعته سماه مصلحه وانا كاتمه ولا كلمه نطقت بعدها رسلي رساله عالواتس ان ابواب السعاده كثيره فليش نتعلق بالباب المغلق
طيب لو كان هالباب مغلق بسبب ظروف خارجه عن ارادته لاحول ولاقوه لكن هو اللي يبي يكمل بهالوضع ويعشمني بمستقبل مجهول وانا اشوفه حتى بهذا الكلام ماهو جاد لانه مستعد يفسفس فلوس المستقبل على اي شي يخطر بباله متجاهل المستقبل ولا لي حق بالمعارضه لانه باختصار يقول فلوسي وتعبي وانا حر
انا فكرت افاتحه بالموضوع لكن ماعرفت وش اقوله اخاف يسويها مشكله ويقلب كلامه وينفي الوعود
ففكرت انه مثل ما ارسلي في الواتس ارسله بالواتس
وهذي الرساله مابعد ارسلها ماادري اذا كان اسلوبي مناسب( من 7 شهور اتكلمت مع رجال وعطاني وعد و كلمة رجاجيل
ترى عيب على الرجال مايكون عنده مصداقيه )
*ماني عارفه شلون اتصرف والزم زوجي بكلامه وبوعده لي ساعدوني*
يعطيكم العافيه نزلوا موضوعي بسرعه

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

,u]kd ,gl dtd f,u]i!!!

المصدر...