البسبوسة المصرية 2016 من مطبخى مايا علي

البسبوسة المصرية 2016 من مطبخى مايا علي


السلام عليكم ورحمة الله وبركاته

كنت عملت بسبوسة من فترة وطلعت جناااااااااان بصراحة

المقادير

3 كوب دقيق سميد
2 كوب زبادى
1 كوب سكر عادى
2 ملعقة كبيرة سمن بلدى
1/2 كوب جوز هند
فانيلا سايلة
باكو بيكنج بودر
2 ملعقة كبيرة لبن

مقادير الشربات

2 كوب سكر
2 كوب ماء
فانيلا
ملعقة سمن بلدى بتفرق على فكرة الملعقة دى


الطريقة

1)نخلط المكونات الجافة.
2)نضع السمنة ونخلط شوية وبعدين الزبادى ونعجن.
3) ندهن الصينية مقاس 30 سمنة وممكن ترشي دقيق وتنفضيه لو حابة تطلعى البسبوسة من الصينية وتقدميها كده في سرفيس.
4) نساوى العجين جيدا وبللي ايدك بالماية وساويها جيدا.
5)ممكن تحطى زبيب معاها أو بتزينيها باللوز اللى تحبيه عموما أنا عملتها مرة كده ومرة كده.
6)قطعى الصينية سمبوسكات وحطى في كل مربع لوز.
7)دخليها الفرن على درجة 180 لمدة 35 دقيقة في المنتصف لحد ماتحمر الحروف وبعدين نديها وش تحت الشواية.
8)لما تدى وش تحت الشواية اديها لون أغمق شوية عشان لما تحطى الشربات بيفتح لون البسبوسة يبقى احنا محتاجين نغمقها شوية وحتشوفوا الفرق في الصينيتين اللى عملتهم.
طبعا الشربات بتعمليه أثناء عمل البسبوسة بتغليه لمدة 5 دقائق وفي الآخر بنحط الفانيلا والسمن البلدى ونحط الشربات سخن والبسبوسة سخنة وحطيها في الفرن وهو مقفول لمدة 5 دقائق عشان تبقى مسخسخة:228:.
نشوف الصور بقى:7:















يارب تعجبكم بسبوستى المسخسخة:09:

مع تحياتى مايا علي:0451:




المصدر: منتدى عدلات

للوصول الينا ومتابعة كل جديداكتبي بمحرك البحث (منتدى عـدلات) او (3dlat)



المصدر...