زوجي يدفعني لخيانته ..

زوجي يدفعني لخيانته ..

السلام عليكم ورحمة الله ...

لأول مرة في حياتي أعرض مشكله خاصه لي وبمنتدى عام لكن أحسست أني على شفا حفرة من الضياع فقلت لعل الله أراد بي خيرا عندما وجدت هذه الصفحه فأجد من يعييني وينير لي دربي ..

راح اكتب بالعاميه عشان أقدر أوصل اللي بداخلي بسهولة .. أنا بنت تربيت تربية صالحه وعشت وسط أسرة محافظة جدا والحمدلله .. أمي ملتزمة ومتشددة وطول عمري أحسها بعيدة عني وتربيتها فيها شي من القسوة فهمت بعدين لما كبرت انه ماكانت قسوة قد ماكانت خوف علينا وانه هي لازم تربينا صح خصوصا بعد وفاة الوالد الله يرحمه اللي كان عكسها تماما وكنت ألقى كل مساحة الحنان اللي احتاجها عنده .. توفى أبوي وأنا في بداية مراهقتي وكانت أكبر مصيبة بالنسبه لي وبعدها انقلبت حياتي فوق تحت وتولى أمورنا أخوي وكان قاسي ومتسلط وأناني كرهني بجنس الرجال كلهم ولدرجة فكرت جديا اني ماراح اتزوج أبدا ... درست وتفوقت ودخلت الجامعه وبآخر سنه شاء الله وتزوجت قريب لي وبالبداية حسيت أبواب السعادة أخيرا انفتحت لي وانه أنا حصلت على أفضل زوج بالدنيا كان حنون ويهتم فيني ويحبني لدرجة الجنون وحبيته طبعا بالمقابل وتعلقت فيه ... تزوجنا وخلفت أول طفل بعد سنة من زواجي وكانت فرحتنا بولدي لا توصف ... كنت الاحظ انه زوجي مايعلق على شكلي أبدا مع إني ولله الحمد أميل للجمال ورشيقه وأهتم بنفسي ونظيفه لدرجة الوسوسه بنفسي وبيتي وطبخي الكل يشهد له حتى هو يحبه .. المهم انه هو مايعلق ولا يمدح ولا يتغزل مهما صار حاولت فيه وشرحت له قد ايش الموضوع يهمني واني أنا فاقده هالشي بس لاحياة لمن تنادي .. إذا كانت له رغبة قرب مني وخلص حاجته وأعطاني ظهره ونام ... تكلمت وناقشت وبكيت بس مافيه فايدة ... حاليا لي 6 سنوات متزوجة وعندي طفلين وهو لازال نفس الطبع .. مو عارفه أحدد إذا زوجي طيب أو سيئ ... هو طيب بشكل عام مايجرحني بالكلام ولا يتطاول علي ويحاول يرضيني من النواحي المادية ومايرفض طلباتي وأروح وأطلع براحتي ... لكن مهمل لعواطفي ومشاعري لدرجة ماأقدر أوصفها وبديت أحس كأني عايشه مع أخوي مو زوجي لولا العلاقة اللي يقوم فيها بطريقة روتينية تقتلني .... وهذي مشكلة ثانية حساسة جدا وهو إنه عنده سرعة قذف شديدة وهالشي يذبحني لأني أحس كأني ماكينة بدون مايكون لها حق ... أحيان كثيرة اتزين واتعطر وألبس له ولكن بااارد جدآ ..صارت عندي ردة فعل إني أكره العلاقة الخاصه بكبرها وأكره أتجهز لها .. يعني لا غزل ولا عواطف ولا إشباع لغريزتي ... اهتمامه صفر حتى لما يشوفني متضايقه و أبكي مستحيل يقرب يضمني أو يواسيني بكلمة يا يتجاهلني يا يجي ينفخ علي وانه ليش ابكي وانه أنا مدلعه واحب النكد .. علاقتنا كل مالها تدهور أنا بديت أحس بالفتور والتبلد وهو يعتقد إني أنا أدور المشاكل ... حاسه اني ضايعه ومو قادره أوصف مشكلتي صح لكن عندي أمل انه فيه أحد يقدر يلم شتات أفكاري ويستوعبني ... هو تعليمه أقل من المتوسط وأنا جامعيه ومثقفه أحب اقرأ كثير واطلع وأحاول أنفتح واطور من نفسي كثير وبمجرد أي نقاش بيننا أطلع أنا مغرورة وفيلسوفة ومو شايفه أحد بالدنيا .....! أموره المادية سيئه واتنازل كثيرررر عشان تمشي حياتي لدرجة اجمع مصروفي واشتري للبيت أو أولادي عشان ماينقصهم شي .. طبعا مافيه سفر مافيه مطاعم الا بالنادر والاحتياجات الأساسية فقط هي اللي متوفرة ... مشاكلي متشعبه وتراكمات لسنوات لكن لب الموضوع إني أنا بدأت أراقب حياة الناس وأحس بغيرة شديدة لما أشوف زوج يدلع زوجته أو أشوف وحدة عندها هدية من زوجها أو أحس إنها حياتها العاطفيه ممتازة .. لاتفهموني غلط أقسم بالله قلبي مايعرف الحسد وذكر الله دايم على لساني .. لكن يجيني شعور بالاحباط والتعاسه وحقد على زوجي لما أشوف كذا ... حتى لما اطلع مكان عام وأشوف زوج ماسك يد زوجته يعورني قلبي واتمنى أعيش هاللحظات وألقى مين يحبني ويبغى يكون قريب مني .. أنا بحياتي ما عرفت رجال غير زوجي مالي ماضي ولانزوات ولا أغلاط .. لكن بعد الفرلغ العاطفي الكبير والا حباط اللي سببه لي زوجي صرت غصبا عني أتمنى ألفت انتباه الرجال .. أفرح لما أشوف أحد يطالعني أو حتى يحاول يكلمني مع إني ماأرد على أحد أبدا ولازلت محافظه على نفسي لكن جواي أكون مبسوطه وسعيدة إني لفت انتباه أحد ... مرة شافني أخو زوجي وأنا بكامل زينتي ولاحظت إنه طول بنظرته لي حسيت بفرح كبير ونشوة ماقد حسيت فيها خصوصا وأنا عارفه زوجته عاديه ومهمله بنفسها ... أكره نفسي لما أحس بالهالشعور بس وربي غصب علي .. أنا متزوجه صنم لا إحساس لا غزل لا كلام حب لارومانسيه لا اهتمام ... فاقده كل شي تمنيته ... الفتن حولي كثير أنا شابه وعمري 26 سنة والعمر بإذن الله قدامي ... ماأبغى أخون ولا أغضب ربي ومو قادره اتحمل وضعي أكثر الفراغ العاطفي دمرني .... أنقذوني هل من مجيب ...!!

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[d d]tukd godhkji >>

المصدر...