كارهه حياتي وكل شيء ..يارب رحمتكك

كارهه حياتي وكل شيء ..يارب رحمتكك

بدخل في الموضوع دآيركت..انا بنت عمري 23 ســنه..ماتوفقت بدراستي..وصلت لحد 3 متوسط..وتركت الدراسه. ولا ادري وش السبب..
مشت السنين وكل سنه اقول برجع وبرجع السنه ذي .وما ارجع..انا بصرآحه عندي اكتئــآب ورهاب إجتماعي.. ماطلع من بيتنآ آبد
تمر شهور وسنين ماطلع ..لدرجه مره طلعت مع اهلي شفت الشوارع والمحلات متغيره ..يعني اذا طلعت اطلع بس مع اهلي آي مشوار غير كذآ لآ ,,يعني بالاعياد مثلآ ما اطلع عند الاقارب
لو يصير عزاء عند اقاربي ما اطلع .اذا زارونا ناس آهرب غرفتي واقفل الباب لين يروحون ..انا على هالحاله من عمري 15 سنه من الوقت الي تركت فيه دراستي..
قبل تقريباَ 4 سنوات جـآني مرض الوسواس..والله لايوريكم..من بعدها جاني القولون العصبي .وكل يوم اوسوس بمرض ..اي مرض اقرآ عنه على طول اقول معي واحس باعراضه فيني ..كل الامراض تقريبآ عارفتها وعارفه اعراضها لدرجه انه مره قريت عن مرض اسمه البروستآتا وخلآص قلت هذا معي!! ومن بعد ماوصلت لمرحله إني تعبت رحت المستشفى وسوو لي تحاليل قالوا سليمه بس عندك قولون..سألت الطبيب قلت له اشك ان عندي بروستاتا..ضحك بصوت عالي ..قالي هالمرض يجي بس الرجال!! تفششلت ..وموقف ثاني زرت عمتي مع امي ..طبعا بالقوه اخذتني لإنها مرضت وتنومت بالمشفى ..رحت معها وتحمدت لها بالسلامه واحنا جالسين سألتها امي عن مرضها ..وصارت تقولها الاعراض ..خلااااااااص ع طول حسيت بالاعراض ..وقلت فيني يعني فيني هالمرض...ورجعت البيت اكتب بالنت واقرا عنه ..و6 شهور وانا افكر انه معي وموسوسه ..
طبعا السواوس مستمر معي لحد يومكم هذا ..تخيلوآ اي مرض اوسوس فيه ..اذا طلعت حبوب بجسمي آقول هذا مرض اذا جاني صداع اقول مرض خطير براسي!! جد جد تعبت
قبل سنتين زرت طبيب نفسي...بصراحه حسيته مو فاهمني وكان فيه ناس كثير برآ وزحمه..عطاني حبوب (بروزاك) استمريت عليها ..صرت هادئه لكن ما ارتحت عليها يعني الضيقه ..الحزن لسى معي .. مايفارقني ..تعبت من حياتي تعبت من الوحده..تعبت من الوسواس تعبت والله العظيم تعبت ..
الي بعمري ..هالسنه يتخرجون من الجامعه...وفي منهم الي نزوجت والي خلصت وتوظفت الله يستر عليهم ماعمري حسدت احد ..بس ماكنت أتمنى حياتي تكون بالشكل ذا..

كنت أتمنى يكون لي هدف بحياتي وأتمنى اكمل دراستي واتخرج واهلي يفتخرون فيني :
اهلي ما اخلص من استهزائتهم .اذا جبنا سيرة الدراسه يستهزأون فيني ..
من بياخذك..واقعدي كذا لاوظيفه لازواج ..ي موسوسه يامدري ايش ...
محد فاهمني ولا احد حاس فيني..
الزواج كم مره انخطبت يرفضوني اذا عرفوا اني تركت بالمتوسط ..او بعضهم يجون ومايرجعون ..وصرت اي ناس تبي تجي تخطبني ارفض حتى قبل ماعرف مين..
يعني فكرة الزواج شلته من راسي ..لين محد صار يخطبني ..

نجي للموضوع الاهم وادري طفشتكم..اني صلاتي كل ما احاول احافظ عليها ماقدر..استمر يوم يومين احافظ عليها واتركها
...اكيد بتقولون هذا بسبب الصلاه ومعكم حق بس آنا حتى مع الصلاة ..استغفر الله ما احس براحه وما احسني قريبه من ربي مهما سويت
لإني كل ما ادعي ربي م يستيجيب لي ..
ف صار عندي تبلد اصلي بدون ما احس بلذة الصلاة ،،
..
المششكله بهذا كله ،،، إني صرت ضعيفه حييييييييييييل..يعني اي شي يأثر فيني ايماني صار ضعيف
احس ان ربي يكرهني .مهما سووووووووووووووووويت ،،
احس إني ظلمت احد لإني بحياتي ماشفت التوفيق،،
الوسواس من جهه الاكتئاب ،، الدراسهــ// كل هالاشياء دمرتني اقسسم بآلله


بس الشيء الي دمرني اكثر،،قبل فتره كنت اتفرج لفلم ..وهالفلم اجنبي ..يحكي عن الاشباح والشياطين ع قولتهم
قصة الفلم ان الرجال مايؤمن يوجود الشياطين ف كل يوم يروح لناس حصلت لهم قصص ويسألهم وكذاوبعد الفلم مدري وش جاني بعقلي صرت اوسوس وافكر ..
لإني مثل ماقلت لكم ايماني ضعييييييييييييف ،، قلت اصلا هما كفار وهذي خرابيط وافلام عادي يعني ..
بس انا من بعد هالفلم صارت تجيني افكار ووساويس ..حسبي الله عليهم .:(
خاايفه ..من كل شيء ..
..بصراحه كل يم ادعي على نفسي اموت ..والله كل يوم اقول يارب تاخذني لاني تعبت
7 سنوات نفس الحياه ماتغيرت حياتي نفس الجحيم
اتمنى القى عندكم حل لمشكلتي
الي اعاني منها م 7 سنوات ,,,
ابي حياتي تتغير..ابي اتقرب من ربي .. ابي اتلخص من الوساويس .وابي ارضا بأي شيء كتبه لي ربي !!! ساعدوني تكفون...
اسألكم بالله تنزلون مشكلتي،،،،،،،،،..

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

;hvii pdhjd ,;g adx >>dhvf vplj;;

المصدر...