زوجي و البنات !

زوجي و البنات !

السلام عليكم ورحمة الله و بركاته
انا متزوجه لي سنه و 7 شهور و تزوجنا عن طريق حب
وربنا رزقنا بولد و الحمدلله مع انه كان رافض الابناء خلال سنتين قدام ،
و لله الحمد و المنه على نعمة الأطفال ، و الله يرزق كل من يتمنى الذريه الصالحه..
انا طبعاً بحكم دراستي عند أهلي و هو بحكم عمله ف ديره ثانيه بعيده حيل ما ينزل الا بعد كل 3 شهور
المهم وقت نفاسي كان عندي و وقتها اعطاني جواله عشان اشحنه له ، و الصدمه اني بعد ما شحنته و فتحت الجوال لقيته يكلم بنات و يحدد معهم موعد عشان يقابلهم في كباين و قبلها كان قايل لي انو بعد ما اخلص من الاربعين نخرج ل هذه الكباين ، انا جسمي يرجف لمن شفته مكلمهم كذا و لا بعد ترسل صورها وصور استغفر الله بس اسأل الله انه يمحي هالأشكال من الأرض ، و يطلبون مبلغ وقدره ، واجهته و رميت الجوال في وجهه و مسوي نفسه مصدوم ، و قلتله اطلع لا عاد اشوف وجهك و تطلقني ، قال و الله مالي فهالطريق بس كنت طفشان و اطقطق و لا مالي بهالأشياء و يحلف و يقسم قلتله اسكت لا تلحف و لأشيء ماراح اصدقك و أكذب عيوني ، قال انا مسافر و بكون على خط ان مالي بهالطريق بس طقطقه ، قلتله الله لا يردك ان شاء الله م ترجع ، وطلع برا البيت ، وظل يدق و يرسل و انا مو طايقه منو شيء ، ويدق على جوال أمي عشان يتطمن على ولده و أمي بس قايله ل أمي انو عشان الأسم متهاوشين فقط ، و مع ذلك سامحته ومرت فتره و بعد 3 شهور نزل و اشوف بالسناب ضايف بنات فاصخات و معه واحد من عيال عمه منتهي يقوله تعال و اجيب لك بنات وهو يقوله ايوا بأخذ اجازه و اجيك و تضبطني ، يالله مرا خلاص ما عاد فيه ثقه نهائي وصورت كل شيء و اخذته عندي ، و اوريه يسوي نفسه انو مسكين و انو بس كدا و يقول انا ادري اني غلطان و اني مقصر معاك بس انا هناك عزوبي ، قلتله حتى انا هنا لوحدي لو شفتني مسويه نفس ما سويت انت بتسامحني و راح تمشي الوضع عادي ؟ قال لا طبعاً قلت خلاص زي ما يمشي علي يمشي عليك ليش بس الي انا اضحي و اعدي ومع ذلك صبرت عليك و صاينتك من وراك وقدام ، و يرجع يحلف ويقسم ويوريني انو حذف البنات ، قلتله و ولد عمك قال ما اقدر احذفه مراهق وين مراهق عمره 29 ؟ تضحك على مين ؟ مين المفروض الي يكون اعقل من الثاني انا و لا أنت !
المهم ظل كالعاده يحلف و يقسم بس ابداً مو مصدقته طلبت الطلاق رافض ، أهلي ما حبيت اشوه صورته قدامهم لأنه برضو يصير ولد جيراننا ، و لأن لو الوالد كأن عايش رحمة الله عليه كان ممكن على الأرجح واليقين التام , انتِ ألذ شعور مريت أنا فيه ،مع إن اخواني ماراح يقصرون معي ابداً و يأخذون حقي ، انا احس مو قادره استمر معاه و لا قادره اثق فيه نهائي ورافض الطلاق ابداً ومو عارفه اكمل لان بكون شاكه ع طول ، انا ما انكر انو ما يقصر معي بس عيبه هالشيء ، شوركم ;)

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[d , hgfkhj !

المصدر...